दिंडोरी; पुढारी वृत्तसेवा : कादवा म्हाळुंगी येथील जिल्हा परिषद प्राथमिक शाळेचे प्रभारी मुख्याध्यापक भास्कर जाधव यांच्यावर जीवघेणा हल्ला झाला. शालेय वेळेत ते कामकाज करत असताना त्यांच्याच शाळेवरील शिक्षक कारभारी महाले यांनी त्यांच्यावर हल्ला केला.
काम सांगितलं म्हणून लाकडी दांडक्याने शिक्षकाने बेदम मारहाण केली. यात प्रभारी मुख्याध्यापक जाधव हे गंभीर जखमी झाले. त्यांच्यावर खासगी रुग्णालयात उपचार सुरू आहेत.
सदर घटना ही शिक्षकी पेशाला बदनाम करणारी व काळीमा फासणारी आहे. या घटनेचा तीव्र निषेध महाराष्ट्र राज्य प्राथमिक शिक्षक संघाच्यावतीने नोंदविण्यात येत आहे.
सदर दोषी शिक्षकावर प्रशासनाने तत्काळ कार्यवाही करावी. अन्यथा महाराष्ट्र राज्य प्राथमिक शिक्षक संघ शाखा दिंडोरी न्यायिक मार्गाने आंदोलन छेडेल. याची नोंद घ्यावी, असा इशारा महाराष्ट्र राज्य प्राथमिक शिक्षक संघ शाखा दिंडोरी यांच्यावतीने देण्यात आला आहे.
पाहा व्हिडिओ – अनेक दुर्मिळ वस्तूंचा संग्रह असणारे कोल्हापूरचे ओबेरॉय म्युझियम | Kolhapur's Oberoi Museum