जळगाव ; पुढारी वृत्तसेवा : जळगावात महिलेचा खून करण्यात आल्याचे समाेर आले आहे. शहरातील रामेश्वर कॉलनीतील तुळजाई नगरात गळा चिरून आणि चेहऱ्यावर जबरी हल्ला करून निर्घुण पणे खून झाल्याची घटना आज (शुक्रवार) सकाळी उघडकीस आली. एमआयडीसी पोलिसांनी घटनास्थळी धाव घेतली असून पुढील चौकशी सुरू आहे.
तुळजाई नगरात राहणाऱ्या वंदना गोरख पाटील (वय ४२) या भाजीपाला व्यवसाय करणाऱ्या महिलेचा गळा आवळून आणि चेहऱ्यावर मारहाण करून खून करण्यात आला. हा प्रकार आज सकाळी उघडकीस आला. एमआयडीसी पोलिसांत गुन्हा नोंद झाला असून तपास सुरु आहे.