पुढारी ऑनलाईन डेस्क : नाचू कीर्तनाचे रंगी म्हणत मराठमोळी अभिनेत्री प्राजक्ता गायकवाड (Prajkta Gaikwad) हिने डोक्यावर तुळस घेऊन वारीचा आनंद लुटला. वारीत प्राजक्ताने वांगी कलरची साडी नेसून फुगडी घातली. शिवाय वारकऱ्यांच्या सोबत टाळवर ताल धरला. तिचे वारीतील फोटो आणि व्हिडिओ व्हायरल होत आहेत. (Prajkta Gaikwad)
तिने डोक्यावर तुळस घेतलेला फोटो शेअर करत कॅप्शनमध्ये लिहिलंय –
#वारीच्या_वाटेवर …..
या #photo ला #caption ची गरज नाही.
आतापर्यंतचा सगळ्यात भारी #pic ????
#विठ्ठलरखुमाई #विठूमाऊली #पंढरीचे_वारकरी #तुळशीवृंदावन #मराठीमुलगी
छोट्या पडद्यावरील 'स्वराज्य रक्षक संभाजी' या मालिकेतून प्राजक्ता गायकवाड हिला लोकप्रियता मिळाली होती. तिने या मालिकेत 'येसू बाई' यांची व्यक्तीरेखा साकारली होती. या मालिकेतून प्राजक्ता गायकवाड घराघरांत पोहोचली. ही मराठमोळी अभिनेत्री सोशल मीडियावरही ॲक्टीव्ह असते. ती तिचे व्हिडिओज आणि फोटोज सोशल मीडियावर शेअर करत असते. आतादेखील तिने काही सुंदर फोटोज इन्स्टाग्रामवर शेअर केले आहेत.
प्राजक्ता फिटनेसबाबत कायमच दक्ष असते. मध्यंतरी, तिचा डंबेल्स उचलून व्यायाम करतानाचा व्हिडिओ व्हायरल झाला होता. अभिनयासोबत फिटनेसदेखील महत्त्वाचा आहे. शूटिंग करून रात्री दहा वाजता घरी आले, तरी जिममध्ये जाते, असं प्राजक्ता म्हणतेय. प्राजक्ताला नृत्याची देखील आवड आहे.
सुंदर दिसणाऱ्या प्राजक्ताचे सोशल मीडियावर फॅन फॉलोइंगसुद्धा मोठा आहे. ती आपल्या जीवनातील विविध घडामोडी प्राजक्ता चाहत्यांसोबत शेअर करत असते.