ठाणे; पुढारी वृत्तसेवा : मुंबईमध्ये दरड कोसळून ३३ जणांचा बळी गेल्यानंतर कळवा मध्येही दरड कोसळून एकाच कुटुंबातील पाच जण ठार झाले आहेत. आज दुपारी २ च्या दरम्यान ही घटना घडली.
मृतांमध्ये तीन लहान मुले आणि आई वडिलांचा समावेश असून याच कुटुंबातील अन्य दोन सदस्य गंभीर जखमी झाले आहेत. रात्री उशिरा ही घटना घडली.
अधिक वाचा :
ठाणे महापालिकेच्या छत्रपती शिवाजी महाराज रुग्णालयात या पाच जणांना नेण्यात आल्यानंतर त्यांना मृत घोषित करण्यात आले आहे.
प्रभू यादव वय ४५ वर्ष , विधावती यादव वय ४० वर्ष , अशी मृत झालेल्या आईवडिलांची नावे असून रवीकिशन यादव वय १२ वर्ष सिमरन यादव वय १० वर्ष आणि संध्या यादव वय ३ वर्ष अशी कळवा दुर्घटनेत मृत झालेल्या मुलांची नावे आहेत.
अधिक वाचा :
तर याच कुटुंबातील अचल यादव वय १८ वर्ष आणि प्रीती यादव वय ५ वर्ष जखमी झाले असून त्यांना पालिकेच्या कळवा रुग्णालयात दाखल करण्यात आले आहे.
दरम्यान, घनटास्ठळी एनडीआरएफचे जवान कार्यरत होते. त्यांनी स्थानिक लोकांच्या मदतीने ढिगाऱ्याखाली अडकलेल्यांना बाहेर काढले.
हेही वाचले का?