अमरावती; पुढारी वृत्तसेवा : महात्मा फुले कृषी विद्यापीठाच्या ३६ व्या पदवीदान समारंभ कार्यक्रमात डॉ. अमृता ज्ञानेश्वर राऊत या मुलीने पीएचडीमध्ये विद्यापीठातून प्रथम क्रमांक मिळविला. गोल्ड मेडल मिळविल्यामुळे सर्व स्तरावरून अमृताचे कौतुक करण्यात येत आहे.
जिद्द आणि चिकाटी असेल तर कोणत्याही कामात अपयश येत नाही हे वरूड तालुक्यातील सावंगा येथील ज्ञानेश्वरराव राऊत व माया ज्ञा. राऊत यांची मुलगी डॉ. अमृता ज्ञानेश्वर राऊत या जिद्दी मुलीने दाखवून दिले आहे. त्यांची परिस्थिती हालाखीची असताना सुद्धा डॉ. अमृता राऊत हिने मेहनत घेऊन महात्मा फुले कृषी विद्यापीठातून पीएचडीमध्ये प्रथम क्रमांक आणि गोल्ड मेडल प्राप्त करून विद्यापीठातून प्रथम येण्याचा मान मिळविला आहे.
डॉ. अमृता राऊत हिने जिल्हा परिषद शाळा सावंगा येथे ५ वी पर्यंत, आर सी हायस्कूल लोणी येथे ६ वी ते १० वी, उत्क्रांती ज्युनिअर कॉलेज जरुड येथे ११ वी ते १२ वी (सायन्स) पूर्ण केले आहे. तर डॉ. पंजाबराव देशमुख कृषी विद्यापीठ, येथे बीएस अॅग्री (BSc. Agri) पदवी परीक्षा उत्तीर्ण झाल्यानंतर महात्मा फुले कृषी विद्यापीठ राहुरी येथे एमएसस्सी आणि पीएचडी ही मृदविज्ञान व कृषी रसायनशास्त्र या विषयात महात्मा फुले कृषी विद्यापीठातून पूर्ण केले.
विद्यापीठातून प्रथम आणि गोल्ड मेडल प्राप्त केल्याबद्दल कृषिमंत्री अब्दुल सत्तार, राजीव गांधी विज्ञान व तंत्रज्ञान आयोगाचे अध्यक्ष पद्मविभूषण डॉ. अनिल काकोडकर, नवी दिल्ली येथील कृषी शास्त्रज्ञ निवड मंडळाचे माजी अध्यक्ष डॉ. चारुदत्त मायी आणि राज्याच्या आदर्श गाव संकल्प व प्रकल्प समितीचे कार्याध्यक्ष पोपटराव पवार, कुलगुरू डॉ. पी. जी. पाटील, परभणी कृषी विद्यापीठाचे कुलगुरू डॉ. इंद्र मणी, अकोला येथील डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख, विद्यापीठ कार्यकारी परिषदेचे सदस्य आमदार चिमणराव पाटील प्रमुख पाहूणे म्हणून उपस्थित होते.
तर दत्तात्रय उगले, डॉ. प्रदीप इंगोले, गणेश शिंदे, संजीव भोर, अधिष्ठाता (कृषी) डॉ. उत्तम चव्हाण, संशोधन संचालक डॉ. सुनील गोरंटीवार, विस्तार शिक्षण संचालक डॉ. तानाजी नरुटे, कुलसचिव प्रमोद लहाळे, नियंत्रक डॉ. बापुसाहेब भाकरे, कृषी अभियांत्रिकी महाविद्यालयाचे सहयोगी अधिष्ठाता डॉ. दिलीप पवार आणि विद्या शाखेच्या उपकुलसचिव आशा पाडवी यांच्या उपस्थितीत मान्यवरांना सन्मानित करण्यात आले.
हेही वाचा :