रेल्वेप्रवास : आता महिन्याला बुक करा 24 रेल्वे तिकिट

Published on:

07 Jun 2022, 4:45 am

Updated on:

07 Jun 2022, 4:46 am

पुढारी ऑनलाईन :
आता रेल्वे प्रवासी जादा ऑनलाईन तिकीट बुक करू शकणार आहेत. रेल्वे पोर्टलच्या आयडीशी (आयआरसीटीसी) आधार लिंक नाही त्या यूजर्सना महिन्याला 12, तर जे लिंक आहेत त्यांना 24 तिकिटे बुक करता येणार आहेत. सातत्याने प्रवास करणार्‍या प्रवासी आणि कुटुंबांना ही सुविधा फायदेशीर आहे.

असा करा आयआरसीटीसी आयडी आधारशी लिंक

आयआरसीटीसीच्या ई-तिकिटिंग irctc.co.in या अधिकृत संकेतस्थळावर जा.
लॉग इन करण्यासाठी यूझर आयडी आणि पासवर्ड टाका.
होमपेजवर माय अकाऊंट सेक्शनवर आधार केवायसीवर क्‍लिक करा.
आधार क्रमांक टाका आणि सेंड ओटीपीवर क्‍लिक करा.
आधार कार्डशी रजिस्टर असणार्‍या मोबाईलवर ओटीपी येईल.
ओटीपी टाकण्यासाठी आणि आधारशी संबंधित माहिती पाहिल्यानंतर व्हेरिफाय या पर्यायावर क्‍लिक करावे.
त्यानंतर मोबाईलवर केवायसी अपडेट झाल्याचा मेसेज येईल.