WTC 2027 Final : वाँडरर्समध्ये दक्षिण अफ्रिकेचा दणदणीत विजय अन् वेलिंगटमध्ये टीम इंडियाचे धाबे दणाणले; Point Table बदललं

दक्षिण अफ्रिकेने जोहान्सबर्गमधील वाँडरर्समध्ये खेळल्या गेलेल्या बांगलादेशविरूद्धच्या पहिल्या कसोटी सामन्यात विजय मिळवत मालिकेत १-० अशी आघाडी घेतली आहे.
WTC 2027 Final
WTC 2027 Finalpudhari
Published on: 
Updated on: 

WTC 2027 Final Point Table: भारत आणि न्यूझीलंड यांच्यातील वेलिंगटनमधील पहिल्या कसोटीत न्यूझीलंडने पहिल्या डावात ३६८ धावा केल्या आहेत. त्याच्या प्रत्युत्तरात भारताने देखील दमदार सुरूवात करत १ बाद १३० धावा ठोकल्या आहेत. सलामीवीर यशस्वी जयस्वालने ८५ धावांची दमदार खेळी केली. त्याला केएल राहुल चांगली साथ देत होता.

WTC 2027 Final
WTC 2027 Final Qualification : बांगलादेशचा पराभव भारताच्या पथ्यावर! WTC 2027 फायनलमध्ये टीम इंडिया धडक मारणार का?

वाँडरर्समध्ये बांगलादेशचा पराभव

दरम्यान, भारताने पहिल्या कसोटीवर पुन्हा आपली पकड निर्माण केली असतानाच तिकडे वाँडरर्समध्ये दक्षिण अफ्रिकेने एक मोठा धक्का दिला आहे. दक्षिण अफ्रिकेने जोहान्सबर्गमधील वाँडरर्समध्ये खेळल्या गेलेल्या बांगलादेशविरूद्धच्या पहिल्या कसोटी सामन्यात विजय मिळवत मालिकेत १-० अशी आघाडी घेतली आहे. दक्षिण अफ्रिकेचा हा विजय त्यांना WTC 2025-27 पॉईंट टेबलमध्ये अव्वल स्थानावर घेऊन गेला आहे.

WTC 2027 Final
WTC 2025-2027 : श्रीलंका-बांगला देश यांच्यातील सामन्याने नवे WTC चक्र होणार सुरू

गुणतालिकेत काय झाला बदल?

दक्षिण अफ्रिकेचे आता WTC विनिंग पर्सेंटेज हे ७५ झाले असून न्यूझीलंड ७२.२२ टक्के विनिंग पर्सेंटेज घेऊन दुसऱ्या तर ऑस्ट्रेलिया ६९.२३ टक्के विनिंग पर्सेंटेजसह तिसऱ्या स्थानावर आहे. आता भारताबद्दल बोलायचं झालं तर भारत ५१.५२ टक्के विनिंग पर्सेंटेजसह चौथ्या स्थानावर आहे. त्या पाठोपाठ बांगलादेश आणि इंग्लंड यांचा नंबर लागतो. जर भारताला फायनल खेळायची असेल तर त्यांना पुढच्या ७ सामन्यात गुणतालिकेत पहिल्या दोन स्थानात विराजमान व्हावं लागेल.

WTC 2027 Final
Test Cricket : कसोटी क्रिकेटचे सामने होणार चार दिवसांचे? 'ICC' अध्‍यक्ष जय शहा नेमकं काय म्‍हणाले?

भारतावरचा दबाव वाढला

दक्षिण अफ्रिकेच्या विजयामुळे भारतावरचा दबाव वाढला आहे. भारतासाठी न्यूझीलंडविरूद्धची २ कसोटी सामन्यांची मालिका अत्यंत महत्वाची आहे. भारताला या मालिकेतील दोन्ही सामन्यात विजय मिळवणे गरजेचे असून त्यानंतर टीम इंडिया ऑस्ट्रेलियाविरूद्ध ५ कसोटी सामन्यांची मालिका खेळणार आहे. या ७ कसोटीत भारत फक्त एक पराभव आणि एक टाय सहन करू शकतो. जर टीम इंडियाला WTC फायनल गाठायची असेल तर त्यांना प्रत्येक सामना जिंकण्यासाठी मोठा जोर लावावा लागेल.

WTC 2027 Final
NZ vs IND 1st Test: गिलच्या नेतृत्वातील टीम इंडियाला एक चूक पडू शकते महागात... जाणून घ्या कसं मिळणार WTC Final चं तिकीट?

दक्षिण अफ्रिका आणि बांगलादेश सामन्याबद्दल बोलायचं झालं तर दुसऱ्या डावात बांगलादेशने आपला डाव ५ बाद १०० धावांपासून पुढे खेळण्या सुरूवात केली. लिटन दासने ३८ चेंडू ३९ धावा करून आशा जिवंत ठेवल्या होत्या. मात्र रबाडाने त्याला बाद करत बांगलादेशला मोठा धक्का दिला. मुश्फिकुर रहीमने २२ धावा करत झुंज दिली, मात्र साईम हार्मरसमोर बांगलादेशचा टिकाव लागला नाही. हार्मरने दुसऱ्या डावात ५१ धावा देत ६ विकेट्स घेतल्या. बांगलादेशचा दुसरा डाव १६८ धावात संपुष्टात आला.

विजयासाठीचे १२ धावांचे आव्हान दक्षिण अफ्रिकेने १.३ षटकात १ फलंदाजांच्या मोबदल्यात पार केले. पहिल्या डावात शतकी खेळी करणारा एकरमॅन दुसऱ्या डावात भोपाळाही फोडू शकला नाही. एडिन मार्करमने षटकार ठोकत दक्षिण अफ्रिकेला विजय मिळवून दिला.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.