Who is Kumar Kushagra : अभिषेक शर्मा-वैभव सूर्यवंशी फ्लॉप, 'छोट्या धोनी'चा धमाका! संकटातून भारताला सावरत ठोकले शतक

झारखंडचा नवा धोनी! कुमार कुशाग्रने नेपाळविरुद्ध ठोकल्या 117 धावा
Who is Kumar Kushagra : अभिषेक शर्मा-वैभव सूर्यवंशी फ्लॉप, 'छोट्या धोनी'चा धमाका! संकटातून भारताला सावरत ठोकले शतक
Published on: 
Updated on: 

नवी दिल्ली : भारतीय क्रिकेटमध्ये महेंद्रसिंह धोनीचे नाव घेतले की, डोळ्यांसमोर येते ते त्याचे आक्रमक फलंदाजीचे फटके, यष्टिरक्षणातील चपळाई आणि संकटाच्या काळात संघाला सावरण्याची क्षमता. आता त्याच झारखंडमधून आलेल्या एका युवा यष्टिरक्षक-फलंदाजाने आपल्या दमदार खेळीने क्रिकेटप्रेमींचे लक्ष वेधून घेतले आहे. एसीसी मेन्स राइजिंग स्टार्स आशिया चषक २०२६ मध्ये नेपाळविरुद्ध इंडिया-ए कडून खेळताना कुमार कुशाग्रने अवघ्या १०२ चेंडूंत ११७ धावांची तुफानी खेळी साकारली. त्याच्या या खेळीत १० चौकार आणि ५ उत्तुंग षटकारांचा समावेश होता. कुशाग्रच्या फलंदाजीतील आक्रमकता आणि प्रसंगानुरूप डाव सावरण्याच्या शैलीमुळे चाहत्यांना पुन्हा एकदा धोनीची आठवण झाली.

Who is Kumar Kushagra : अभिषेक शर्मा-वैभव सूर्यवंशी फ्लॉप, 'छोट्या धोनी'चा धमाका! संकटातून भारताला सावरत ठोकले शतक
Usman Khawaja controversy : 'उस्मान ख्वाजा क्रिकेट इतिहासातील सर्वात मोठा गद्दार'; फॅनी डिव्हिलियर्स यांची बोचरी टीका

अडचणीच्या काळात कुशाग्रची दमदार फलंदाजी

नेपाळविरुद्धच्या या सामन्यात भारतीय संघाची सुरुवात निराशाजनक झाली. पहिल्या १० षटकांतच भारताने अवघ्या ४२ धावांवर तीन महत्त्वाचे फलंदाज गमावले होते. अभिषेक शर्मा आणि वैभव सूर्यवंशी यांसारखे आक्रमक फलंदाज स्वस्तात माघारी परतल्याने नेपाळच्या संघाचे पारडे जड झाले होते. अशा परिस्थितीत फलंदाजीसाठी आलेल्या कुमार कुशाग्रने जबाबदारी स्वीकारली.

Who is Kumar Kushagra : अभिषेक शर्मा-वैभव सूर्यवंशी फ्लॉप, 'छोट्या धोनी'चा धमाका! संकटातून भारताला सावरत ठोकले शतक
Yashasvi Jaiswal : शतक हुकले, पण विक्रम नाही! ८५ धावांत यशस्वीने विराटला टाकले मागे; WTC मध्ये मोठी झेप

सुरुवातीला त्याने खेळपट्टीवर स्थिरावण्याला प्राधान्य दिले. मात्र, एकदा जम बसल्यानंतर नेपाळच्या गोलंदाजांवर जोरदार हल्ला चढवला. संयम आणि आक्रमकतेचा योग्य समतोल साधत त्याने धावफलक वेगाने हलता ठेवला. अवघ्या ९३ चेंडूंत शतक पूर्ण करणाऱ्या कुशाग्रने अखेर १०२ चेंडूंत ११७ धावांची शानदार खेळी केली. त्याचा स्ट्राइक रेट ११४ पेक्षा अधिक होता. विशेष म्हणजे, त्याने मारलेल्या पाच षटकारांमुळे मैदानात उपस्थित प्रेक्षकांसह क्रिकेट चाहत्यांनाही धोनीच्या आक्रमक फलंदाजीची आठवण झाली.

Who is Kumar Kushagra : अभिषेक शर्मा-वैभव सूर्यवंशी फ्लॉप, 'छोट्या धोनी'चा धमाका! संकटातून भारताला सावरत ठोकले शतक
Mohammed Siraj : प्लेईंग ११ वरून दोन राष्ट्रीय पक्ष भिडले... काँग्रेस खासदाराचे 'सिराज' नावाकडे बोट, भाजपकडून जडेजाचा उल्लेख

तिलक वर्मासोबत २०६ धावांची भागीदारी

कुमार कुशाग्रने केवळ वैयक्तिक धावसंख्या उभारली नाही, तर भारतीय संघाला अडचणीतून बाहेर काढण्यातही मोलाची भूमिका बजावली. त्याने कर्णधार तिलक वर्मासोबत चौथ्या विकेटसाठी तब्बल २०६ धावांची महत्त्वपूर्ण भागीदारी केली. या भागीदारीत कुशाग्रने आक्रमक फलंदाजीची जबाबदारी सांभाळली, तर तिलक वर्माने संयमी खेळ करत त्याला उत्तम साथ दिली.

कुशाग्र बाद झाल्यानंतर तिलक वर्मानेही आपले शतक पूर्ण केले. मात्र, सुरुवातीच्या कठीण परिस्थितीत कुशाग्रने दाखवलेला आत्मविश्वास आणि त्याची आक्रमक फलंदाजी या सामन्याचे प्रमुख आकर्षण ठरली. त्याच्या खेळीमुळे भारतीय संघाला मोठी धावसंख्या उभारण्याचा मजबूत पाया मिळाला.

Who is Kumar Kushagra : अभिषेक शर्मा-वैभव सूर्यवंशी फ्लॉप, 'छोट्या धोनी'चा धमाका! संकटातून भारताला सावरत ठोकले शतक
KL Rahul NZ vs IND : केएल राहुलचं न्यूझीलंडमध्ये ऐतिहासिक अर्धशतक; भारताच्या कसोटी इतिहासात हे पहिल्यांदाच घडलंय

'छोटा धोनी' म्हणून ओळख; निवड समितीचे वेधले लक्ष

झारखंडचा युवा यष्टिरक्षक-फलंदाज कुमार कुशाग्र याला देशांतर्गत क्रिकेटमध्ये अनेकदा 'छोटा धोनी' म्हणून संबोधले जाते. त्याच्या फलंदाजीतील आक्रमकता आणि यष्टिरक्षक म्हणून असलेली क्षमता यामुळे त्याच्याकडून भारतीय क्रिकेटला मोठ्या अपेक्षा आहेत. विशेष म्हणजे, न्यूझीलंडविरुद्धच्या एकदिवसीय मालिकेसाठी त्याची भारतीय वरिष्ठ संघात निवड झाली होती. मात्र, त्याला आंतरराष्ट्रीय पदार्पणाची संधी मिळाली नव्हती.

आता इंडिया-ए कडून खेळताना नेपाळविरुद्ध केलेल्या या शतकी खेळीने त्याने आपली क्षमता पुन्हा एकदा सिद्ध केली आहे. लिस्ट-ए क्रिकेटमधील हे त्याचे तिसरे शतक ठरले. संघ अडचणीत असताना जबाबदारी स्वीकारून मोठी खेळी करण्याची त्याची क्षमता या सामन्यातून स्पष्ट झाली. या कामगिरीमुळे आगामी काळात भारतीय वरिष्ठ संघातील स्थानासाठी त्याची दावेदारी अधिक मजबूत होण्याची शक्यता आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.