

Mohammed Siraj NZ vs IND 1st Test Playing 11 : 'भारत आणि न्यूझीलंड यांच्यातील पहिल्या कसोटी सामन्यात मोहम्मद सिराजला संधी देण्यात आली नाही यावरून आता देशातील दोन प्रमुख राष्ट्रीय पक्ष काँग्रेस आणि भाजप यांच्या शाब्दिक चकमक उडाली आहे.
काँग्रेस खासदारांनी वेगवान गोलंदाज मोहम्मद सिराजला टीमबाहेर ठेवण्यावरून प्रश्न विचारत त्याच्यासोबत भेदभाव होत असल्याचा आरोप केला. त्यावर आता भाजपने काँग्रेस क्रिकेटमध्ये देखील वोट बँकेचे राजकारण करत असल्याचा आरोप केला. ते आता संघ निवडीला देखील धार्मिक रंग देत असल्याचा दावा केला.
काँग्रेसचे खासदार इम्रान मसूद यांनी सिराजला संघात सामील का करण्यात आले नाही असा सवाल केला. त्याच्या धार्मिक ओळखीकडे इशारा करत सिराज चांगली कामगिरी करत आहे. तरी देखील त्याला टीम इंडियात स्थान देण्यात आलं नाही.
इम्रान मसूद म्हणाले, 'त्याचे नाव सिराज आहे. एवढं पुरेसं नाहीये का? जर तो चांगली कामगिरी करत असेल आणि तरी देखील त्याची निवड होत नसेल तर त्याचे दुसरे काय कारण असू शकते. एकच कारण असू शकतं त्याशिवाय दुसरं कोणतं कारण दिसत नाही.'
यावर आता भाजपने देखील पलटवार केला असून भाजपने काँग्रेस आता क्रिकेट संघाच्या निवडीत देखील धार्मिक मुद्दे आणण्याचा प्रयत्न करत आहे असा आरोप केला. भाजप प्रवक्ते प्रदीप भंडारी काँग्रेसवर टीका करताना म्हणाले की, 'काँग्रेसची लाज वाटते आता काँग्रेस क्रिकेट संघाच्या निवडीत देखील वोट बँकचे राजकारण आणत आहे. काँग्रेस म्हणत आहे की सिराज मुस्लिम असल्यानं त्याला संघाबाहेर ठेवलं जात आहे.siraj
भंडारी यांनी अष्टपैलू रविंद्र जडेजाला देखील संघाबाहेर ठेवल्याचा दाखला दिला. ते म्हणाले, 'प्रत्येक क्रिकेटपटू भारताचे प्रतिनिधित्व करणारी जर्सी घालतो. वोट बँक आणि धार्मिक राजकारणासाठी भारतीय क्रिकेट संघात फूट पाडणे बंद करा.'