पुढारी ऑनलाईन : भारताची स्टार टेनिसपटू सानिया मिर्झा आणि पाकिस्तानचा माजी कर्णधार शोएब मलिक यांनी लग्न केले, ही गोष्ट सर्वांनाच माहित आहे. या दोघांच्या नात्यामुळे अनेकदा दोन्ही देशांतील विविध खेळाडू सोशल मीडियावर गंमतीशीर पोस्ट करताना दिसत असतात. सानियाला पाकिस्तानचे खेळाडू 'वहिनी' या नावाने संबोधतात तर भारतीय खेळाडू शोएबला गमतीने 'दाजी' म्हणतात. सध्या या दोघांचा एक गंमतीशीर विषय चर्चेत आला आहे.
पाकिस्तानची महिला टेनिस स्टार मेहक खोखर सध्या चर्चेत आहे. मेहकने भारतीय टेनिस स्टार सानिया मिर्झाला पाकिस्तानात येऊन पाकिस्तानी महिला टेनिस संघाला प्रशिक्षण देण्याचे आवाहन केले आहे, जेणेकरून तिचा संघ अधिक चांगली कामगिरी करू शकेल. मेहकने यासाठी शोएब मलिकला आवाहन केले आहे.
या आवाहनामध्ये तिने सानियाला पाकिस्तानात येऊन पाकिस्तानी महिला टेनिस संघाला प्रशिक्षण द्यावे, अशी विनंती केली आहे. जेणेकरून पाकिस्तानची टीम चांगली कामगिरी करू शकेल. यासाठी तिने शोएब मलिकची मदत घेतली आहे. मेहक खोखरने एका व्हिडिओ संदेशात सांगितले की, लवकरच पाकिस्तान फेडरेशन कपसह इतर अनेक आंतरराष्ट्रीय स्पर्धा होणार आहेत. त्यामुळे सतत पाकिस्तानात येणाऱ्या सानिया मिर्झाने आमच्या संघाला प्रशिक्षण दिले तर त्याचा फायदा होईल, असे मेहकने या व्हिडिओ संदेशात म्हटले आहे. ती पुढे म्हणाली, शोएब मलिक याने सानियाला पाकिस्तान टेनिस संघाला प्रशिक्षण देण्यासाठी तयार करावे. त्याचा पाकिस्तान खेळाडूंना खूप फायदा होईल.
मेहक खोखर हिच्याबद्दल सांगायचे झाले तर ती पाकिस्तानमधील अव्वल टेनिसपटूंपैकी एक आहे. सध्या तिची गणना पाकिस्तानच्या अव्वल टेनिसपटूंमध्ये केली जाते. ती सानिया मिर्झासारखी ग्लॅमरस आहे. त्यामुळे ती अनेक टीव्ही शोमध्येही दिसलेली आहे. सानिया मिर्झा ही पाकिस्तानी क्रिकेटर शोएब मलिकची पत्नी असल्यामुळे ती सतत पाकिस्तानला भेट देत असते. काही काळापूर्वी सानिया मिर्झाने पाकिस्तानमध्ये बरेच दिवस वास्तव्य केले होते. शिवाय, ती अनेक टीव्ही कार्यक्रमांमध्येही उपस्थित राहिली होती.
