India vs Namibia Playing XI Updates: T20 वर्ल्ड कपमध्ये विजयी सुरुवात केल्यानंतर भारत आज नामीबिया विरुद्ध मैदानात उतरणार आहे. पहिल्या सामन्यात अमेरिकेला हरवल्यामुळे भारतीय संघाचा आत्मविश्वास वाढला आहे. मात्र या दुसऱ्या सामन्याआधी प्लेइंग इलेव्हनबाबत काही प्रश्न निर्माण झाले आहेत.
युवा सलामीवीर अभिषेक शर्मा पूर्णपणे तंदुरुस्त नसल्याचं सांगितलं जात आहे. टीम मॅनेजमेंट त्याच्या प्रकृतीवर सतत लक्ष ठेवून आहे. सामना सुरू होण्याच्या अगदी आधीच तो खेळणार की नाही, यावर अंतिम निर्णय घेतला जाईल. अभिषेक बाहेर राहिल्यास संजू सॅमसनला संधी मिळू शकते. संजू फलंदाजीसोबत विकेटकीपिंगही करतो, त्यामुळे संघाचा समतोल राखला जाऊ शकतो.
सरावादरम्यान ईशान किशनच्या पायाला चेंडू लागला होता. हा चेंडू टाकला होता जसप्रीत बुमराहने. त्यानंतर ईशान काही वेळ अस्वस्थ झाला आणि फिजिओला मैदानात यावं लागलं. नंतर तो पुन्हा सराव करताना दिसला, पण त्याच्या फिटनेस बाबत अजून माहिती नाही. ईशानही बाहेर राहिल्यास ओपनिंग जोडी बदलावी लागू शकते.
वर्कलोड मॅनेजमेंटमुळे त्याला विश्रांती दिली जाऊ शकते, अशी शक्यता आहे. मागील सामन्यात सिराज आणि अर्शदीप यांनी चांगली गोलंदाजी केल्यामुळे संघाकडे पर्याय उपलब्ध आहेत. मोठ्या सामन्यांसाठी बुमराहला फ्रेश ठेवण्याचा विचार मॅनेजमेंट करत आहे.
जर वरच्या फळीत दोन खेळाडू उपलब्ध नसतील, तर टीम नवीन प्रयोग करू शकते. अशा परिस्थितीत वॉशिंग्टन सुंदरला ओपनिंगसाठी ठेवण्यात आल्याची चर्चा आहे. मात्र याबाबतचा अंतिम निर्णय टॉसपूर्वीच घेण्यात येईल.
हा सामना भारतासाठी पॉईंट टेबलमध्ये वरचे स्थान मिळवण्यासाठी महत्त्वाचा आहे. त्यामुळे खेळाडूंचा फिटनेस आणि संघातील संतुलन या दोन्ही गोष्टींना प्राधान्य दिलं जाणार आहे.
संजू सॅमसन (विकेटकीपर), ईशान किशन / वॉशिंग्टन सुंदर, तिलक वर्मा, सूर्यकुमार यादव (कर्णधार), शिवम दुबे, हार्दिक पांड्या, रिंकू सिंह, अक्षर पटेल, वरुण चक्रवर्ती, जसप्रीत बुमराह, अर्शदीप सिंह
लोरेन स्टीनकॅम्प, जान फ्रिलिंक, लॉफ्टी-ईटन, गेरहार्ड इरास्मस (कर्णधार), जेजे स्मिट, झेन ग्रीन (विकेटकीपर), डायलन लीचर, रूबेन ट्रम्पेलमन, विलेम मायबर्ग, बर्नार्ड शोल्ट्झ, मॅक्स हेंगो
