Gautam Gambhir Tight Handshake Viral After India Loss: दुसऱ्या टी20 सामन्यात दक्षिण आफ्रिकेने भारताचा 51 धावांनी पराभव केला. भारताने फलंदाजी, गोलंदाजी आणि फील्डिंग खूपच खराब केली. त्यामुळे भारताचा पराभव झाला. पण सामन्यानंतर सर्वाधिक चर्चा झाली ती टीम इंडियाचा मुख्य प्रशिक्षक गौतम गंभीरच्या रिअॅक्शनची. खेळाडूंशी हात मिळवताना त्याचा राग आणि नाराजी स्पष्ट दिसत होती आणि याचा व्हिडिओ आता सोशल मीडियावर व्हायरल झाला आहे.
गौतम गंभीर नेहमीच स्पष्टवक्तेपणासाठी ओळखला जातो. काल झालेल्या सामन्यात भारताची कामगिरी खूपच निराशाजनक होती. त्यानंतर गंभीर जेव्हा मैदानावर खेळाडूंशी हात मिळवत होता, त्या वेळी त्याच्या चेहऱ्यावरची नाराजी आणि राग दिसत होता. फॅन्सनी हा व्हिडिओ मोठ्या प्रमाणात शेअर केला असून त्यावर प्रतिक्रिया येत आहेत.
अर्शदीप सिंहने एकाच ओव्हरमध्ये 7 वाइड टाकले. त्याने दिलेल्या अतिरिक्त धावांमुळे सामन्याचे चित्र बदलले. त्याशिवाय, भारताने एकूण 16 वाइड टाकले होते. गोलंदाजीतला निष्काळजीपणा टीमला महागात पडला. या सोबत अनुभवी गोलंदाजांनीही फारशी चांगली कामगिरी केली नाही.
शुभमन गिल आणि अभिषेक शर्मा यांची जोडी अपयशी ठरली. कर्णधार सूर्यकुमार यादवही या सामन्यात लवकर बाद झाले. तिलक वर्माने केलेली 62 धावांची खेळी नसती, तर भारताचा पराभव आणखी मोठा झाला असता.
सामन्यानंतर सूर्यकुमार यादव म्हणाला—
टीम फक्त एक-दोन खेळाडूंवर अवलंबून राहू शकत नाही
टॉप ऑर्डरने जबाबदारी घ्यावी
कठीण परिस्थितीत टीमकडे ‘प्लॅन B’ असायला हवा होता
प्रयोग म्हणून अक्षर पटेलला वर पाठवले, पण तो चालला नाही
त्यांनी पुढील सामन्यात टीम चांगली कामगिरी करेल असा विश्वास व्यक्त केला.
