Aus vs Eng ODI : डकेटचा तडाखा अन् बेकरचा कहर; ऑस्ट्रेलियाचा त्यांच्या घरातच उडाला धुव्वा! इंग्लंडचा ऐतिहासिक मालिका विजय

३२९ धावांच्या आव्हानाचा पाठलाग करताना ऑस्ट्रेलियन फलंदाजी पत्त्याच्या बंगल्यासारखी कोसळली
aus vs eng odi
Published on: 
Updated on: 

सीडनी : सध्या ऑस्ट्रेलिया दौऱ्यावर असलेल्या इंग्लंड क्रिकेट संघाने यजमान ऑस्ट्रेलियाविरुद्धची तीन सामन्यांची एकदिवसीय मालिका बुधवारी, १८ नोव्हेंबर रोजी दिमाखात जिंकली. मालिकेतील या तिसऱ्या आणि निर्णायक सामन्यात इंग्लंडने अत्यंत शानदार खेळ करत विजय संपादन केला आणि मालिकेवर आपले नाव कोरले. ऑस्ट्रेलियाला त्यांच्याच भूमीवर पराभूत करणे हे अत्यंत कठीण आव्हान मानले जाते, मात्र इंग्लंडने ऑस्ट्रेलियाच्या घरात घुसून त्यांचा पराभव करत ऐतिहासिक कामगिरी केली आहे.

गेल्या वर्षी विराट कोहली आणि रोहित शर्मा यांसारख्या दिग्गज खेळाडूंचा समावेश असलेल्या बलाढ्य भारतीय संघालाही ऑस्ट्रेलियात पराभवाचा सामना करावा लागला होता. इंग्लंडने या अंतिम सामन्यात ९७ धावांनी दणदणीत विजय नोंदवला आणि ही मालिका २-१ अशा फरकाने आपल्या नावावर केली. या निर्णायक लढतीत शानदार शतक झळकावणाऱ्या बेन डकेटला 'सामनावीर' (प्लेयर ऑफ द मॅच) पुरस्काराने गौरविण्यात आले.

aus vs eng odi
MS Dhoni IPL Retirement : IPL मधून निवृत्तीनंतर धोनीला किती मिळणार पेन्शन? BCCIकडून दरमहा मिळणाऱ्या मानधनाचे गणित जाणून घ्या

होबार्ट येथे खेळल्या गेलेल्या या सामन्यात इंग्लंडचा कर्णधार हॅरी ब्रूकने नाणेफेक जिंकून प्रथम फलंदाजी करण्याचा निर्णय घेतला. सलामीवीरांनी अवघ्या ८.३ षटकांत ७४ धावांची सलामी देत कर्णधाराचा हा निर्णय सार्थ ठरवला. त्यानंतरच्या पुढच्याच चेंडूवर इंग्लंडची पहिली विकेट पडली, परंतु मधल्या फळीतील फलंदाजांनी छोट्या-छोट्या उपयुक्त भागीदारी करत संघाची धावसंख्या ३२८ धावांपर्यंत पोहोचवली. ४९ व्या षटकात इंग्लंडचा संपूर्ण संघ बाद झाला असला, तरी गोलंदाजांना अनुकूल असलेल्या या खेळपट्टीवर ३२८ ही धावसंख्या अत्यंत आव्हानात्मक होती.

aus vs eng odi
Dhoni Retirement : पिवळी जर्सी उतरवली.. पण बँक बॅलन्स पाहून डोळे विस्फारतील! १९ हंगामांत 'कॅप्टन कूल'ने किती कोटींची कमाई केली?

ऑस्ट्रेलिया आणि इंग्लंड यांच्यातील या तिसऱ्या एकदिवसीय सामन्याचा आढावा घेतल्यास, इंग्लंडच्या विजयात बेन डकेटच्या झंझावाती शतकाचा मोठा वाटा राहिला. डकेटने ११५ चेंडूंत १५ चौकार आणि ३ षटकारांच्या मदतीने १३३ धावांची बहारदार खेळी साकारली. त्याला खालच्या फळीत विल जॅक्सने ५९ धावांची अर्धशतकी खेळी करत उत्तम साथ दिली, तर सलामीवीर टॉम बँटनने ३५ चेंडूंत ४४ धावा फटकावत संघाला स्फोटक सुरुवात करून दिली होती. या तिघांव्यतिरिक्त इंग्लंडच्या इतर फलंदाजांना विशेष चमक दाखवता आली नाही. दुसरीकडे, ऑस्ट्रेलियाकडून गोलंदाजीत जॅक एडवर्ड्सने ४ बळी घेतले, तर मॅट रेनशॉने ३ गडी बाद केले.

aus vs eng odi
Football Controversy : फुटबॉलच्या मैदानात भारतीय खेळाडूच्या डोक्यावर जीवघेणा प्रहार, पॅलेस्टाईनच्या खेळाडूंची गुंडगिरी (Video)

विजयासाठी ३२९ धावांच्या विशाल आव्हानाचा पाठलाग करण्यासाठी मैदानात उतरलेला ऑस्ट्रेलियन संघ इंग्लंडच्या भेदक गोलंदाजीसमोर २३१ धावांतच गारद झाला. ऑस्ट्रेलियाकडून मॅट रेनशॉने सर्वाधिक ५५ धावांची झुंजार खेळी केली, तर अ‍ॅलेक्स कॅरीने ३७, जॅक एडवर्ड्सने ३१ आणि कूपर कोनोलीने २९ धावांचे योगदान दिले. मात्र, या खेळाडूंचे प्रयत्न संघाला केवळ दोनशे धावांच्या पार पोहोचवण्यापुरतेच मर्यादित राहिले. इंग्लंडकडून सन्नी बेकरने अत्यंत घातक गोलंदाजी करत ऑस्ट्रेलियाचे ४ फलंदाज बाद केले, तर लियाम डॉसनने ३ बळी टिपत त्याला मोलाची साथ दिली. या सामन्यात इंग्लंडचा कर्णधार हॅरी ब्रूककडे गोलंदाजीचे तब्बल सात पर्याय उपलब्ध होते, ज्याचा त्याने अचूक वापर करत ऑस्ट्रेलियाचा डाव संपुष्टात आणला.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.