नवी दिल्ली: जगातील महान फुटबॉलपटूंपैकी एक असलेल्या क्रिस्टियानो रोनाल्डोवर पोर्तुगीज फुटबॉल फेडरेशनच्या शिस्तपालन समितीने ३० दिवसांची बंदी घातल्याचा दावा या वृत्तात करण्यात आला आहे. याशिवाय या ४१ वर्षीय खेळाडूला २५५ युरो (सुमारे २७ हजार रुपये) दंडही ठोठावण्यात आल्याचे सांगितले जात आहे.
पोर्तुगालचे प्रशिक्षक जॉर्ज जीझस आणि रोनाल्डो यांच्यात संघातील त्याच्या भूमिकेवरून मतभेद झाल्याचा दावा करण्यात आला आहे.
नॉर्वेविरुद्धच्या नेशन्स लीग सामन्यात रोनाल्डोला संपूर्ण वेळ राखीव खेळाडूंच्या बाकावर बसवण्यात आले होते. यानंतर प्रशिक्षकांनी दोनदा आपला शब्द फिरवल्याचा आरोप रोनाल्डोने केल्याचे वृत्त आहे.
या वादानंतर डेन्मार्कविरुद्धच्या सामन्यापूर्वी रोनाल्डोने कोणालाही न कळवता कोपनहेगनमधील पोर्तुगालच्या राष्ट्रीय संघाचे शिबिर सोडल्याचे सांगितले जात आहे.
या प्रकरणाची ९ ऑक्टोबरपासून चौकशी सुरू झाली आणि पोर्तुगीज फुटबॉल फेडरेशनने शिस्तपालन संहितेच्या कलम १६०(१) अंतर्गत त्याच्यावर कारवाई केल्याचा दावा करण्यात आला आहे.
या संपूर्ण प्रकरणानंतर रोनाल्डोने आपल्या वर्तनाबद्दल जाहीरपणे माफी मागितल्याचे वृत्त आहे. सामन्यानंतर चाहत्यांच्या शुभेच्छांना प्रतिसाद न देणे आणि सहकाऱ्यांना मध्येच सोडून जाणे ही चूक असल्याचे त्याने मान्य केल्याचे सांगितले जाते.
तसेच, पोर्तुगालकडून खेळण्यास आपण तयार असून शिक्षा पूर्ण झाल्यानंतर पुन्हा राष्ट्रीय संघात परतण्याची इच्छा असल्याचेही त्याने स्पष्ट केल्याचा दावा करण्यात आला आहे.
