ICC World Cup 2023 | क्रिकेट वर्ल्डकपमधील खेळाडूंच्या मेन्यूमध्ये 'नो बीफ', पाक संघाने केली 'ही' मागणी

भारतात ५ ऑक्टोबरपासून आयसीसीचा पुरुष एकदिवसीय विश्वचषक २०२३ स्पर्धा होणार आहे. यंदा म्हणजे 2023 चा विश्वचषक प्रथमच पूर्णपणे भारतात होत आहे. यापूर्वी भारताने १९८७, १९९६ आणि २०१ साली विश्वचषकाचे सहआयोजकत्व केले होते. या एकदिवसीय विश्वचषक २०२३ सराव सामन्यात पाकिस्तानचा सामना न्यूझीलंडशी होणार आहे. या महत्त्वाच्या स्पर्धेसाठी दोन्ही संघ आधीच भारतात आले आहेत. हैदराबादच्या राजीव गांधी आंतरराष्ट्रीय क्रिकेट स्टेडियमवर हा सामना होणार आहे. या दरम्यान पाकिस्तान क्रिकेट संघासाठी कोणता आहार असेल हे आता स्पष्ट झाले आहे. या आहारातून  बीफ वगळण्यात आले आहे. या आहारात  चिकन, मटण आणि मासे असतील. बटर चिकन आणि हैदराबादी बिर्याणी यांसारखे काही स्थानिक पदार्थही असणार आहेत. तथापि, त्यांना बीफ दिले जाणार नाही.