Hangzhou Asian Games | भारताची घौडदौड सुरुच, पुरुष कॅनो दुहेरीत अर्जुन सिंग आणि सुनील सिंग यांना कांस्य

पुढारी ऑनलाईन : भारताची आशियाई क्रीडा स्पर्धेत घौडदौड सुरुच आहे. आज भारताच्या अर्जुन सिंग आणि सुनील सिंग सलाम यांनी पुरुष कॅनो दुहेरीच्या १ हजार मीटर स्पर्धेत ३ मिनिटे ५३.३२९ सेकंदाच्या वेळेसह कांस्यपदक जिंकले. (Hangzhou Asian Games) भारताचे हे आजच्या दिवसाचे हे पहिले पदक आहे. यासह भारताच्या एकूण पदकांची संख्या ६१ झाली आहे.

संबंधित बातम्या 

• Asian Games 2023 : कोल्हापूरच्या विक्रमला रोलर स्केटिंगमध्ये कांस्य
• Asian Games 2023 : भारत @60 मेडल्स, 4X400 मीटर मिश्र रिलेमध्ये रौप्यपदक
• Asian Games Long Jump : एन्सी सोजनची 'सिल्वर उडी'! महिलांच्या 'लाँग जंप'मध्ये भारताला रौप्यपदक

उझबेकिस्तानच्या शोखमुरोद खोलमुराडोव्ह आणि नुरिसलोम तुख्तासिन उगली यांनी ३ मिनिटे ४३.७९६ सेकंदाच्या वेळेसह सुवर्णपदक जिंकले, तर कझाकिस्तानच्या टिमोफे येमेलियानोव्ह आणि सर्गेई येमेलियानोव्ह यांनी ३ मिनिटे ४९.९९१ सेकंदाच्या वेळेसह रौप्यपदक जिंकले.

भारतीय जोडीने ३ मिनिटे ५३.३२९ सेकंदाची वेळ पूर्ण करून तिसरे स्थान मिळवले. विशेष म्हणजे आशियाई क्रीडा स्पर्धेच्या इतिहासातील या स्पर्धेतील देशाचे हे केवळ दुसरे पदक आहे. १९९४ मधील हिरोशिमा येथील स्पर्धेत कॅनो दुहेरीत भारताच्या सिजी सदानंदन आणि जॉनी रोमेल यांनी कांस्यपदक जिंकले होते.

दरम्यान, तिरंदाजीत महिला कंपाउंड वैयक्तिक उपांत्य फेरीत भारताच्या ज्योती सुरेखा वेन्नम हिने आदिती गोपीचंद हिचा १४६-१४९ गुणांनी पराभव करत अंतिम फेरीत धडक मारली आहे. आदिती आता कांस्यपदकासाठी खेळणार आहे

हे ही वाचा :

• Asian Games 2023 | भारतीय हॉकी संघाचा विजयी 'चौकार', बांगलादेशवर डागले डझनभर गोल
• Asian Games 2023 : शेतकर्‍याचा मुलगा अविनाश बनला गोल्डन बॉय