World Boxing Championship : निखत जरीन वर्ल्ड चॅम्पियन! भारताची 'सुवर्ण' हॅटट्रिक
पुढारी ऑनलाईन डेस्‍क : महिलांच्या जागतिक बॉक्सिंग चॅम्पियनशिपमध्ये ( World Boxing Championship ) भारताला तिसरे पदक मिळाले आहे. निखत जरीनने ५० किलो गटात सुवर्णपदकावर मोहर उमटवली. अंतिम फेरीत निखित हिने दोनवेळा आशियाई चॅम्पियन असलेल्या व्हिएतनामच्या गुयेन थी टॅम हिचा ५-० असा पराभव केला. महिलांच्या जागतिक बॉक्सिंग चॅम्पियनशिपमध्ये निखितचे हे सलग दुसरे सुवर्णपदक ठरले आहे.
शनिवारी ( दि. २५) नीतू घनघासने ४८ किलो गटात सुवर्णपदक पटकावले होते. यानंतर स्वीटी बुरा हिने ८१ किलो गटात सुवर्णपदक पटकावले. स्वीटीने चीनच्या लिना वॉन्गचा ४-३ असा पराभव केला होता.
World Boxing Championship:निखतच्‍या कामगिरीमुळे भारताची सुवर्ण हॅटट्रिक
अंतिम फेरीत निखतकडून सुवर्णपदकाची अपेक्षा होती. तिनेही देशवासीयांच्‍या अपेक्षा वास्‍तवात उतरवल्‍या. अंतिम सामन्यात निखतने सुरुवातीपासूनच चमकदार कामगिरी केली. तिने पहिल्या फेरीत ५-0 अशी आघाडी घेतली. यानंतर दुसऱ्या फेरीतही ही आघाडी कायम ठेवली. तिसऱ्या फेरीत व्हिएतनामच्या गुयेन थी टॅम बॉक्सरवर जोरदार ठोसा लगावला. पंचांनी व्हिएतनामी बॉक्सरची प्रकृती जाणून घेण्यासाठी सामना थांबवला. याचवेळी निखतचा विजय निश्चित झाला होता. अखेरीस तिने ५-०च्या फरकाने सामना जिंकला. आणि सलग दुसऱ्यांदा बॉक्सिंग चॅम्पियनशिपमध्ये सुवर्णपदकावर आपली मोहर उमटवली.
India’s Nikhat Zareen beats two-time Asian champion Nguyen Thi Tam of Vietnam in the final of 50 Kg light flyweight category to clinch a gold medal in IBA Women’s World Boxing Championship 2023.
Nikhat beat Nguyen Thi Tam 5-0. This is her second World Championships gold medal.… pic.twitter.com/PcSXpCFFsp
— ANI (@ANI) March 26, 2023
हेही वाचा :
- Swiss Open : स्वीस ओपनमध्‍ये भारताचा डंका : सात्विक-चिराग चॅम्पियन; पुरुष दुहेरीमध्‍ये चीनच्या जोडीचा पराभव
- Cricket Formats : क्रिकेटच्‍या प्रत्येक फॉर्मेटसाठी असणार वेगळा कर्णधार ? ‘बीसीसीआय’ची नवीन निवड समिती घेणार लवकरच निर्णय