संदीप रेड्डी वांगा दिग्दर्शित आगामी बहुप्रतीक्षित चित्रपट ‘स्पिरिट’च्या नव्या पोस्टरमध्ये अभिनेता विवेक ओबेरॉयचा दमदार अवतार दिसतो. ऐश्वर्या देसाईचा देखील लूक व्पहायरल झाला आहे.
Aishwarya Desai Actress of Sandeep Reddy-Prabhas film 'Spirit
'स्पिरिट' चित्रपटाच्या टीमने नुकतेच संदीप रेड्डी वांगाचा चित्रपटाचे नवे पोस्टर रिलीज केले आहे. ज्यामध्ये विवेक ओबेरॉयचा फर्स्ट लूक व्हायरल झाला आहे. प्रभास आणि तृप्ती डिमरी स्टारर या चित्रपटात दुसरी अभिनेत्री आहे-ऐश्वर्या देसाई, जी महत्त्वाच्या भूमिकेत आहे. प्रभास एक कॉपच्या भूमिकेत असेल. स्पिरिट चित्रपट ५ मार्च, २०२७ रोजी रिलीज होणार आहे.
कोण आहे ऐश्वर्या देसाई?
ऐश्वर्या देसाई एक इंडियन-अमेरिकन अभिनेत्री आहे. तिने इन्स्टाग्राम बायोवर दिलेल्या माहितीनुसार, मॉडल आणि कंटेंट क्रिएटर आहे. ती ब्युटी आणि लाईफस्टाईल कंटेंट बनवते. याआधी ती रणवीर सिंहचा चित्रपट 'गली बॉय'मध्ये छोट्याशा भूमिकेत दिसली होती. शॉर्ट थ्रिलर चित्रपट 'रॅट इन द किचन'सह अनेक चित्रपटांमध्ये ती दिसली.
आता तिला संदीप रेड्डी वांगा चा मोठा चित्रपट स्पिरिट मिळाला आहे. तिच्या इन्स्टाग्राम हँडलवर तिचे चाळीस हाजरहून अधिक फॉलोअर्स आहेत. रिपोर्टनुसार, ती मुंबईत राहते. जारी केलेल्या नव्या पोस्टरमध्ये ऐश्वर्या देसाई देखील दिसते. ती एका टेबल समोर बसलेली दिसते.
विवेक ओबेरॉयचे दमदार कमबॅक
विवेक ओबेरॉय एक क्राईम बॉसच्या भूमिकेत असेल. त्याने कॅज्युअल व्हाईट शर्ट, गॉगल्स घातले आहेत. त्याच्या ओठात सिगारेट दिसत आहे.
त्याने कॅप्शनमध्ये लिहिलंय - "अंधारात लपलेले एक रहस्य आणि सर्वात खोल रहस्ये लक्षात ठेवणारे डोळे. ५ मार्च २०२७ रोजी जगभरातील चित्रपटगृहांमध्ये."
