सलमान खानचा नवा स्टायलिश लूक सध्या सोशल मीडियावर चर्चेचा विषय ठरत आहे. दाढी आणि फिट अवतारातील भाईजानचे फोटो व्हायरल होताच चाहत्यांनी त्याच्यावर कौतुकाचा वर्षाव केला. याचदरम्यान अभिनेत्री नयनतारासोबत तो नव्या चित्रपटात दिसणार असल्याच्या चर्चांनाही उधाण आले आहे.
बॉलिवूडचा ‘भाईजान’ सलमान खान पुन्हा एकदा आपल्या नव्या लूकमुळे चर्चेत आला आहे. सोशल मीडियावर सलमानचे काही लेटेस्ट फोटो मोठ्या प्रमाणात व्हायरल होत असून त्याच्या या स्टायलिश अवताराने चाहत्यांची उत्सुकता वाढवली आहे. विशेष म्हणजे, या नव्या लूकनंतर अभिनेत्री नयनतारासोबतच्या त्याच्या नव्या चित्रपटाची चर्चा रंगली आहे.
व्हायरल होत असलेल्या फोटोंमध्ये सलमान खान दाढी, स्टायलिश हेअरस्टाईल आणि फिट लूकमध्ये दिसत आहे. अनेक चाहत्यांनी सोशल मीडियावर “भाई पुन्हा जुन्या अंदाजात दिसतोय” अशा प्रतिक्रिया दिल्या आहेत. काहींनी तर त्याच्या आगामी ॲक्शन चित्रपटासाठी हा लूक असल्याचा अंदाज व्यक्त केला आहे.
सलमान खानच्या नव्या अवतारामुळे त्याच्या आगामी प्रोजेक्ट्सबाबतही उत्सुकता निर्माण झाली आहे. गेल्या काही दिवसांपासून सलमान आणि साऊथ सुपरस्टार नयनतारा एका मोठ्या प्रोजेक्टमध्ये एकत्र दिसू शकतात, अशी चर्चा सुरू आहे. अधिकृत घोषणा अद्याप झालेली नाही.
नयनताराने साऊथ चित्रपटसृष्टीत मोठं नाव कमावलं असून शाहरुख खानच्या ‘जवान’ चित्रपटातून तिने बॉलिवूडमध्ये दमदार एन्ट्री केली होती. आता जर सलमान आणि नयनतारा एकत्र आले, तर हा चित्रपट बॉक्स ऑफिसवर मोठा धमाका करू शकतो, असे म्हणायला हरकत नाही.
फिट सलमान खान
सोशल मीडियावर सलमान खानचे नवे फोटो समोर आलेत, ज्यामध्ये तो नव्या लूकमध्ये खूप फिट दिसतो. सलमान खानने आपल्या नव्या प्रोजेक्टसाठी आपले वजन कमी केले आहे.
सलमान खान सध्या नयनतारासोबत आपल्या पुढील चित्रपटाचे शूटिंग करत आहे. दरम्यान, त्याचा फिटनेस लूक व्हायरल झालाय. त्यामुळे असा कयास लावला जात आहे की, तो नयनतारासोबत काम करण्यासाठी आपले वजन कमी केले आहे. मीडिया रिपोर्टनुसार, अभिनेता सलमानने जवळपास ७-८ किलो वजन कमी केलं आहे. व्हायरल फोटोमध्ये सलमानने एका दिव्यांग फॅनसोबत कॅजुअल अंदाजात फोटो पोझ दिलीय.
नयनतारा सोबत आगामी प्रोजेक्ट
सलमान खान, दिग्दर्शक वामशी पैडिपल्ली यांच्या चित्रपटात नयनतारासोबत स्क्रीन शेअर करणार आहे. SVC63 नावाने हा चित्रपट असून शूटिंग एप्रिलमध्ये सुरु झाले आहे.
कधी रिलीज होणार चित्रपट?
हा चित्रपट २०२७ मध्ये चित्रपटगृहात रिलीज होणार असल्याचे म्हटले जात आहे.
