प्रतीक गांधी, अर्शद वारसी आणि इशिता दत्ता यांच्या 'घमासान' या बहुप्रतीक्षित क्राइम थ्रिलरचा ट्रेलर अखेर रिलीज झाला आहे. तिग्मांशु धुलिया दिग्दर्शित या सिनेमात प्रतीक गांधी प्रामाणिक IPS अधिकारी आदित्यच्या भूमिकेत दिसणार असून अर्शद वारसीने खूंखार डाकू महाराजची भूमिका साकारली आहे. मध्य भारतातील बीहडांच्या पार्श्वभूमीवर कायदा, गुन्हेगारी, सत्ता, राजकारण आणि बदला यांचा थरारक खेळ या सिनेमात पाहायला मिळणार आहे.
ओटीटीवर दमदार क्राईम थ्रिलर पाहण्याची उत्सुकता असलेल्या प्रेक्षकांसाठी एक आनंदाची बातमी आहे. प्रतीक गांधी, अर्शद वारसी आणि इशिता दत्ता यांच्या प्रमुख भूमिका असलेल्या 'घमासान'चा बहुप्रतीक्षित ट्रेलर अखेर रिलीज झाला आहे. दिग्दर्शक तिग्मांशु धुलिया यांच्या या सिनेमात कायदा आणि गुन्हेगारी यांच्यातील थरारक संघर्ष पाहायला मिळणार
'घमासान'च्या सुमारे 1 मिनिट 53 सेकंदांच्या ट्रेलरमध्ये मध्य भारतातील बीहडांची पार्श्वभूमी दिसते. एका बाजूला प्रामाणिक आणि कर्तव्यनिष्ठ आयपीएस अधिकारी आदित्यची भूमिका प्रतीक गांधी यांनी साकारली आहे, तर दुसऱ्या बाजूला अर्शद वारसीचा महाराज हा खूंखार डाकू आहे.
महाराजच्या दहशतीने संपूर्ण परिसर हादरलेला असताना त्याला पकडण्याची जबाबदारी आदित्यवर सोपवली जाते. मात्र ही लढाई केवळ पोलीस विरुद्ध डाकू अशी साधी नसून त्यामागे सत्ता, राजकारण, जातीय समीकरणे, निष्ठा आणि वैयक्तिक बदला यांचाही मोठा खेळ असल्याचे ट्रेलरवरून जाणवते.
तिगमानशू धुईला यांच्या दिग्दर्शनाखालील घमासानचा ट्रेलर प्रेक्षकांना सत्ता, पाठलाग आणि अस्तित्वाच्या संघर्षाने भरलेल्या एका खडतर जगाची पहिली झलक दाखवतो. हिंदी पट्ट्याच्या पार्श्वभूमीवर आधारित घमासानमध्ये तिगमानशू यांची वैशिष्ट्यपूर्ण कथाकथनशैली दिसून येते. जी अशा नैतिकदृष्ट्या गुंतागुंतीच्या जगात रुजलेली आहे, जिथे सत्ता आणि अस्तित्वाचा संघर्ष क्वचितच सोपी उत्तरे देतो. प्रतीक गांधी, अर्शद वारसी आणि इशिता दत्त यांच्या मुख्य भूमिका यात बघायला मिळणार आहे.
