शिवा', 'नवरी मिळे हिटलरला', 'तुला शिकवीन चांगलाच धडा'मध्ये दहीहंडीची धामधूम!

पुढारी ऑनलाईन डेस्क - झी मराठीच्या मालिकांमध्ये 'दहीहंडी' विशेष भाग साजरे होणार आहेत. 'शिवा'च्या लग्नानंतरच्या पहिल्या दहीहंडी उत्सवासाठी शिवाला आपल्या वस्तीत जायचंय. पण सीताई शिवाला दहीहंडीसाठी वस्तीत जायला नकार देते. भाऊ सीताईची समजूत घालतात तरीही सीताई नकार देते. शिवा गोपाळकाल्याच्या पूजेची तयारी सुरु करते. पाना गँग शिवा दहीहंडीसाठी नसणार म्हणून उदास आहे. आशु, शिवाला वस्तीत घेऊन जाण्यासाठी एक आयडिया देतो. घरात टेप रेकॉर्ड लावून आशु, शिवाला दहीहंडीसाठी घेऊन जातो.

यादरम्यान कीर्ती आणि सुहासला याचा सुगावा लागतो. शिवा तीच्या शिवा लुक मध्ये दहीहंडी फोडण्यासाठी येते. कीर्ती आणि सुहास पिंट्याशेठला पैसे देऊन शिवाला दुखापत करण्यास सांगतात. आता हंडी फोडताना खरंच शिवाला दुखापत होईल ? की आशु तिच्या मदतीला धावून येईल हे दहीहंडी विशेष भागात पाहता येणार आहे.

'तुला शिकवीन चांगलाच धडा' मध्ये सुर्यवंशीच्या घरात गोकुळाष्टमीचा सोहळा मोठ्या उत्साहात साजरा होणार आहे. चारुहास आणि अक्षरा साग्रसंगीत पूजा मांडतात. श्रीकृष्णाचा पाळणा हलवला जातो. अक्षराला या सोहळ्यात काही बायकां बाळ होण्यावरुन चिडवतात. पण, चारुलता बायकांना चांगलीच समज देते. चारुलताने पाठीशी उभं राहणं अक्षराला भावनिक करतं. भुवनेश्वरी आणि चारुलतामध्ये किती फरक आहे ह्याची जाणीव अधिपतीला सोडून सगळ्यांनाच होते. अधिपती ही दहीहंडी फोडण्यासाठी उत्सुक होऊन तयार होतो पण चारुलता त्याला इतक्या उंच थरावर दही हंडी लावून फोडणे बरे नाही असा सल्ला देते. अधिपती चारुलताच बोलणं न ऐकताच निघून जातो. अधिपतीसाठी दहीहंडीच्या इथे कट रचला गेला आहे ज्यांनी त्याला हंडी फोडताना दुखापत होऊ शकते. अधिपतीच्या जीवाला धोका आहे हे त्याला कळेल का?

'नवरी मिळे हिटलरला' मध्ये लीला एजेने दिलेले पैसे फेडण्यासाठी म्हणून दडीहांडी खेळायचं ठरवते. जी हंडी फोडण्यासाठी लीला गेलेय त्या हंडीला मोठं बक्षिसं आहे. आणि तिथे एजेच गेस्ट आहे याची लीलाला जाणीव नाही. लीला एजेला न सांगता दडीहांडीसाठी आलेली आहे. त्यामुळे लिलाला ती हंडी फोडताना पाहून एजे शॉक होतो. लिलाच्या काळजीपोटी एजे तिला खूप रागावतो. पण हे तिने का केलं आहे कळताच तो लीलाच्या घरी जाऊन साळुंखेचं कर्ज फेडतो. एजे तिची आणि तिच्या माहेरच्या माणसांची इतकी काळजी करतो आहे हे पाहून लीलाच्या मनात एजे विषय भावना जाग्या होतात. ही लीला-एजे मध्ये प्रेमाच्या नात्याची सुरुवात तर नसेल?