'बिग बॉस मराठी'च्या सहाव्या सीझनमध्ये कॅप्टन संकेत पाठक सध्या चर्चेचा केंद्रबिंदू ठरला आहे. नॉमिनेशन किंवा विशेष अधिकाराच्या वापरावेळी संकेतने आपली भूमिका स्पष्ट करताना "मी माझे वोट फुकट घालवणार नाही" असे ठामपणे सांगितले. त्याच्या या विधानामुळे घरामध्ये सदस्य सावद झाले आहेत. संकेत आता स्वतःचा स्वतंत्र खेळ खेळणार असल्याचे संकेत मिळत आहेत.
Bigg Boss Marathi -6 latest updates
मराठी बिग बॉसच्या सहाव्या सीझनमध्ये (Bigg Boss Marathi 6) सध्या हाय-व्होल्टेज ड्रामा पाहायला मिळत आहे. विशेषतः कॅप्टन संकेतने घेतलेल्या एका अनपेक्षित निर्णयामुळे घराचे समीकरण पूर्णपणे बदलले आहे.
नुकत्याच झालेल्या एका टास्कमध्ये किंवा नॉमिनेशन प्रक्रियेदरम्यान, कॅप्टन म्हणून संकेतला एक विशेष अधिकार देण्यात आला होता. सहसा कॅप्टन आपल्या ग्रुपमधील सदस्यांना वाचवण्याचा प्रयत्न करतात, पण संकेतने यावेळेस खेळाचा विचार करून "मी माझे वोट फुकट घालवणार नाही" असं ठामपणे सांगत सर्वांनाच आश्चर्याचा धक्का दिला.
या पॉवरच्या मदतीने संकेत एका सदस्याला थेट नॉमिनेट करू शकतो. त्यामुळे घरातील अनेक सदस्य आता सावध झालेले दिसतात. पण कुणावर नॉमिनेशनची टांगती तलवार आहे? प्रोमोमध्ये काही सदस्य त्याच्याशी संवाद साधताना दिसतात आणि सांगतात की, आपण स्ट्राँगपणे खेळत आहोत आणि त्याने आपल्याला नॉमिनेट करू नये. काही जण त्याचा निर्णय काय असेल याची उत्सुकतेने वाट पाहताना दिसतात.
या सगळ्यात संकेत मात्र आपली भूमिका स्पष्ट करताना दिसतो. प्रोमोमध्ये तो म्हणताना ऐकू येतो - मी माझे वोट फुकट घालवणार नाही. या एका वाक्यामुळे घरातील चर्चांना अधिकच उधाण आलं आहे. कारण कॅप्टनचा हा निर्णय घरातील पुढच्या समीकरणांवर परिणाम करू शकतो.
भाऊंचा धक्का भागानंतर घरातील समीकरणं पुन्हा बदलताना दिसत आहेत. अशा परिस्थितीत कॅप्टन संकेतचा निर्णय गेममध्ये काय नवा ट्विस्ट आणणार याकडे सर्वांचे लक्ष लागले आहे.
