पुढारी ऑनलाईन डेस्क : साऊथ आणि हिंदी चित्रपटांचे सुपरस्टार कमल हासन यांनी आगामी चित्रपट इंडियन २ चे पोस्टर रिलीज केले आहे. आज लोकसभा निवडणूक २०२४ पाचव्या टप्प्यातील मतदानादरम्यान, कमल हासन यांनी चित्रपटाचे पोस्टर रिलीज केले आहे. या चित्रपटाचा टायटलसोबत पोस्टर रिलीज केले आहे.
रजनीकांत हे प्रभास-दीपिका पदुकोन आणि अमिताभ बच्चन यांच्यासोबत 'कल्कि 2898 AD' मध्ये दिसणार आहेत. तर दुसरीकडे दोन मोठे चित्रपट इंडियन २ आणि ठग लाईफ समाविष्ट आहे.
कमल हासन यांनी एस शंकर दिग्दर्शित चित्रपट 'हिंदुस्तानी-२' चा फर्स्ट लूक शेअर करत लोकांना आवाहन केलं आहे की, आपलं मतदान नक्की करा, कमल हासन यांच्या या चित्रपटात ओरिजिनल टायटल 'इंडियन-२' आहे, परंतु, हिंदी भाषेत 'हिंदुस्तानी-२' नावाने रिलीज केला जाईल. या पोस्टरमध्ये कमल हासन यांना लवकर ओळखता येत नाही. चेहऱ्यावर सुकुत्या, पांढरे केस, कुर्ता आणि मतदानानंतर बोटाला शाई लावलेला पोस्टर लक्षवेधी ठरत आहे.
चित्रपटाचे पहिले पोस्टर शेअर करत कमल हासन यांनी फॅन्सना आवाहन केलं की, पोलिंग बुथवर जाऊन मतदान करा.
हिंदुस्तानी २ चे पोस्टर शेअर करत कॅप्शनमध्ये लिहिलं, "एक हिंदुस्तानी, एक वोट, एक आवाज, तुम्हीच ते आहात ते जे बदल घडवू शकतात." 'इंडियन-२' मध्ये कमल हासन 'सेनापती'ची भूमिका अदा करताना दिसणार आहेत.
हेदेखील वाचा-
