A फक्त तूच : शिल्पा ठाकरे या अभिनेत्रीचा नवा चित्रपट येतोय | पुढारी

A फक्त तूच : शिल्पा ठाकरे या अभिनेत्रीचा नवा चित्रपट येतोय

By:Swaliya Shikalagar Published on: November 12, 2021, 4:16 PM

पुढारी ऑनलाईन :

टिकटॉक फेम आणि एक्स्प्रेशन क्वीन अभिनेत्री शिल्पा ठाकरे हिचा नवा चित्रपट येतोय. आता आगामी “A फक्त तूच” या चित्रपटात अभिनेता चिन्मय उदगीरकर आणि शिल्पा ठाकर असणार आहे. सोबत अभिनेत्री सुरुची आडारकर यांच्यासोबत मुख्य भूमिका साकारणार आहे. या चित्रपटाचा मुहूर्त निर्माते, दिग्दर्शक, कलाकार आणि तंत्रज्ञ मंडळींच्या उपस्थितीत अहमदनगर येथे संपन्न झाला.
चित्रपटाची निर्मिती आणि दिग्दर्शन रंगनाथ बबन पाचंगे करत आहेत. चित्रपटाची पटकथा, संवाद प्रफुल एस. चरपे यांचे आहे. राजू भोसले क्रिएटिव्ह प्रोड्यूसर, मंगेश भिमराज जोंधळे कार्यकारी निर्माता आहेत.

संबंधित बातम्या

रणजित माने यांनी छायांकन, सागर गायकवाड यांनी कला दिग्दर्शनाची जबाबदारी निभावली आहे. चिन्मय उदगीरकर आणि सुरुची आडारकर यांच्यासह या चित्रपटात माधुरी पवार, शिल्पा ठाकरे, तेजस्विनी शिर्के, ऋषिकेश वांबुरकर, गीत निखारगे यांच्या भूमिका आहेत.

प्रियांका दुबे यांनी वेशभूषा तर समीर कदम हे रंगभूषाकार म्हणून काम पाहणार आहेत.

 

A फक्त तूच… कारण आपलं नातं वेगळं आहे. असं नाव असलेल्या या चित्रपटाद्वारे एक वेगळी आणि रोमँटिक कथा पाहायला मिळणार आहे. अहमदनगर आणि परिसरातल्या उत्तमोत्तम लोकेशन्सवर हा चित्रपट चित्रित करण्यात येत आहे. त्यामुळे येत्या वर्षात प्रेक्षकांना उत्तम कलाकृती पाहायला मिळेल.

Tags
By:Swaliya Shikalagar Published on: November 12, 2021, 4:16 PM
Back to top button