Raj Kundra case : शिल्पा शेट्टीचा पती राज कुंद्रा याच्यासह पूनम पांडे, शर्लिन चोप्राला जामीन मंजूर
पुढारी ऑनलाईन डेस्क : पोर्नोग्राफी केसप्रकरणी अभिनेत्री शिल्पा शेट्टीचा पती राज कुंद्रा याला सुप्रीम कोर्टाने अंतरिम जामीन मंजूर केला आहे. राज कुंद्रा (Raj Kundra case ) याच्यासह अभिनेत्री पूनम पांडे, शर्लिन चोप्रा यांनादेखील जामीन मिळाला आहे.
पोर्न व्हिडिओ बनवणे आणि अश्लिलता पसरवणे या प्रकरणात या सर्वांची नावे आली होती. कोर्टाने म्हटलं की, सर्व आरोपींना तपासात सहकार्य करायला हवे. गरज पडल्यास तपासात सहभागी व्हायला पाहिजे. या केसमध्ये फेब्रुवारीमध्ये शर्लिन चोप्राला सुप्रीम कोर्टाकडून मोठा दिलासा मिळाला होता. शर्लिनच्या अटकेवर कोर्टाने स्थगिती दिली होती.
मागील महिन्यात दाखल चार्जशीट
मागील महिन्यात मुंबई सायबर क्राईम पोलिसांनी पोर्नोग्राफी कंटेंट प्रकरणी राज कुंद्रासह सर्व आरोपींविरोधात कोर्टात १००० पानांहून अधिक चार्जशीट दाखल केली होती. या चार्जशीट पोलिसांनी दावा केला होता की, राज कुंद्राने हॉटेलमध्ये पोर्नोग्राफी कंटेंट शूट केलं होतं. पैसे कमवण्यासाठी वेगवेगळ्या ओटीटी प्लॅटफॉर्मवर स्ट्रीम करण्यात आलं होतं. यामध्ये सांगण्यात आलं होतं की, राज कुंद्राने पूनम पांडे, शर्लिन चोप्रासोबत चित्रपट शूट केलं होतं.
राज कुंद्राचे वकील काय म्हणाले होते?
चार्जशीट दाखल झाल्यानंतर राज कुंद्राचे वकील म्हणाले होते की, याविषयी मीडियाकडूनचं समजलं आहे. त्यांचं म्हणणं होतं की. कोर्टात हजर होऊन चार्जशीटची कॉपी घेतील. या दरम्यान वकीलने हेदेखील सांगितलं होतं की, एफआयआर आणि मीडिया रिपोर्ट्समध्ये ज्या आरोपांचा उल्लेख केला होता, त्याच्याशी माझ्या क्लाइंटचा कोणताही संबंध नाही.
या प्रकरणात राज कुंद्राला तुरुंगातही जावं लागलं होतं. जुलैमध्ये राजला अटक करण्यात आली होती. दोन महिन्यांनतर त्याला जामीन मिळाला होता.
- India-China : भारत-चीन लष्करात तवांग सीमेवर धुमश्चक्री; ३०० वर चिन्यांना हुसकावले; ६ भारतीय जवान जखमी
- पुणे : फाशीच्या शिक्षेसह अपिलावर जानेवारीपासून सुनावणी?
- पुणे : ’स्वच्छ जल से सुरक्षा’ला बीडीओंचे ’नको रे बाबा’
Supreme Court grants anticipatory bail to businessman and Bollywood actor Shilpa Shetty’s husband Raj Kundra, models Sherlyn Chopra and Poonam Pandey and one Umesh Kamat in a case relating to creating obscene content and showing it on OTT platforms. pic.twitter.com/1JYOlRcJ7K
— ANI (@ANI) December 13, 2022