Kanika Kapoor Wedding: ‘बेबी डॉल’ कनिका कपूर लग्नबंधनात

पुढारी ऑनलाईन डेस्क

'बेबी डॉल' गाण्याने घरोघरी प्रसिद्ध झालेली गायिका कनिका कपूरने लग्नगाठ बांधलीय. कनिका आणि गौतम यांच्या लग्नाचे विधी लंडनमध्ये होत असून लंडनमधील या जोडप्याच्या लग्नाचा पहिला फोटोही समोर आला आहे. ज्यामध्ये दोघेही खूप क्यूट दिसत आहेत. कनिका नववधूच्या रूपात दिसतेय. वर राजा गौतमही त्याची पत्नी कनिकाला लूकच्या बाबतीत टक्कर देत आहे.

• Divya Khosla Kumar चा सेक्सी लूक पाहून फॅन्स म्हणाले

कनिका कपूर आणि गौतम यांनी २० मे रोजी सात फेरे घेतले आहेत. लग्नात कनिकाने पिंक कलरचा सुंदर लेहेंगा परिधान केला होता. ज्यामध्ये ती अप्रतिम सुंदर दिसत होती. सिंगरच्या लेहेंग्यावर व्हाईट एम्ब्रॉयडरी वर्क केले आहे. भारी दागिने आणि मेकअपने तिने तिचा लूक पूर्ण केला. त्याचबरोबर फिकट गुलाबी रंगाच्या शेरवानीमध्ये गौतम खूपच सुंदर दिसत आहे. तिने मॅचिंग कॅच आणि गळ्यात गडद रंगाची माळ घातली आहे.

• 'पुढारी'कार पद्मश्री डॉ. ग. गो. जाधव स्मृतिज्योत स्केटिंग रॅलीतून प्रबोधन

कनिका कपूरने तिच्या मेहंदी आणि हळदी समारंभाचे फोटो शेअर केले आहेत. चाहत्यांनी या फोटोंवर अभिनंदन, शुभेच्छा अशा कमेंट्स दिल्या आहेत. कनिकाने तिच्या हळदी समारंभात खूप धमाल केली. तिने पती गौतमसोबत डान्स केला. हे फोटो शेअर करत गायकाने कॅप्शनमध्ये लिहिले की, 'जी, मी तुझ्यावर खूप प्रेम करतो.'

• • … तर भविष्यात २५ वर्षे भाजपा राज्य करेल? पीएम मोदींनी पदाधिकाऱ्यांना अजेंडा

इन्स्टाग्रामवर ही छायाचित्रे समोर येताच चाहते आणि सेलिब्रिटींनी या जोडप्याचे नवीन आयुष्य सुरू केल्याबद्दल अभिनंदन केले. या पोस्टवर कमेंट करताना प्रसिद्ध कॉमेडी स्टार कपिल शर्माने लिहिले की, दोघांचेही खूप खूप अभिनंदन, देवाचे आशीर्वाद राहोत.

कनिका कपूरचा पती गौतम एक एनआरआय बिझनेसमन आहे. कनिकाचे हे दुसरे लग्न आहे. तिचे पहिले लग्न एनआरआय राज चंदौक यांच्याशी झाले होते. पण दोघांचा घटस्फोट झाला होता. त्यांना अयान, समारा आणि युवराज अशी तीन मुले आहेत. पहिल्या पतीपासून घटस्फोट घेतल्यानंतरच कनिका मुंबईत आली आणि तिचे 'जुगनी जी' हे गाणे रिलीज केले. या गाण्याने कनिकाचे नशीब बदलले आणि आज तिचा समावेश प्रसिद्ध गायिकेत झाला आहे.

(video-kanika_kapoor_fc insta)

• धुळे : ओबीसी आरक्षणासाठी भाजपची प्रतिकात्मक कुंभकर्णाच्या प्रतिमेला भाला टोचून निदर्शने
• पणजी : पर्यटकांसाठी हेलिकॉप्टर सेवेचा प्रारंभ
• विधवा प्रथेविरुद्ध बलगवडेत ठराव