वडगाव मावळ: माझ्या बापानंतर माझे कोणी हट्ट पुरवले असतील तर ते दादांनी..! असे अभिमानाने सांगत आमदार सुनील शेळके यांनी आपल्या अश्रूंना वाट मोकळी करून दिली. दादांनी गेल्या सहा वर्षांत जे मागेल ते दिले, सगळे हट्ट पूर्ण केले, पण आपण दादांना काय दिलं, आपल्या दादांचं दुःख आपण समजू शकलो नाही. याचंच जास्त वाईट वाटतेय, असे शल्य आमदार शेळके यांनी राष्ट्रवादी काँग््रेासच्या बैठकीत व्यक्त केले.
याप्रसंगी माजी मंत्री मदन बाफना, ज्येष्ठ नेते माऊली दाभाडे, बबनराव भेगडे, गणेश ढोरे, राष्ट्रवादीचे जिल्हाध्यक्ष विठ्ठलराव शिंदे, तालुकाध्यक्ष गणेश खांडगे, शंकरराव शेळके, छबुराव कडू, नारायण ठाकर, दीपक हुलावळे, महादू कालेकर, भरत येवले, राजेंद्र सोनवणे, नारायण पाळेकर, सुरेश चौधरी, सुरेश धोत्रे, संतोष
भेगडे, नारायण भालेराव, सारिका शेळके, सुवर्णा राऊत, अबोली ढोरे, सुनील भोंगाडे, बाळासाहेब भानुसघरे, चंद्रकांत दाभाडे, राज खांडभोर, देवा गायकवाड आदी उपस्थित होते. बबनराव भेगडे यांनी त्यांच्या 40 वर्षातील काही आठवणीना उजाळा दिला. विठ्ठलराव शिंदे म्हणाले, एक विश्वासू कार्यकर्ता म्हणून दादांनी जाता जाता माझ्यावर जिल्हाध्यक्ष पदाची जबाबदारी सोपवली.
आमदार शेळकेंना जपा : बाफना
दादांचं अकाली जाणं म्हणजे महाराष्ट्राचं दुर्दैव आहे. सर्वसामान्य जनता आणि कार्यकर्त्यांचा आधार गेला आहे. आमदार सुनील शेळकेंवर जिवापाड प्रेम करणारा माणूस गेल्याने आमदारही पोरके झाले आहेत. त्यामुळे त्यांना जपा असे भावनिक आवाहन करत मावळच्या विकासासाठी सोबत राहण्याचे आश्वासन माजी मंत्री मदन बाफना यांनी या वेळी दिले.
महिलांसह सगळेच गहिवरले!
याप्रसंगी महिलाध्यक्षा सुवर्णा राऊत, कल्याणी काजळे यांच्यासह असिफा बागवान या शोकभावना व्यक्त असताना उपस्थित महिलांना रडू कोसळले. तर ज्येष्ठ नेते बबनराव भेगडे, गणेश ढोरे यांनाही अश्रू अनावर झाले. तसेच बापानंतर दादांनीच हट्ट पुरवले, दादा पत्रावळीमध्ये जेवले अशा आठवणी संघटना आमदार शेळकेही निःशब्द झाले आणि अश्रूंना वाट करून दिली. या भावनिक प्रसंगामुळे सगळेच गहिवरून गेले.
