पिंपरी: पिंपरी-चिंचवड शहरात ढगाळ वातावरणामुळे किमान तापमानात वाढ झाली असून, तापमान 30 अंशांपर्यंत पोहोचले आहे. पुढील पाच ते सहा दिवस ढगाळ वातावरण राहून तापमानात वाढ होण्याची शक्यता भारतीय हवामान विभागाने वर्तविली आहे.
दुपारी ऊन, ढगाळ वातावरण आणि थंडी अशा संमिश्र वातावरणाचा अनुभव सध्या नागरिकांना येत आहे. सकाळी धुकेदेखील पडत आहे. सध्या थंडी हळूहळू कमी होत असून, वातवरणातील बदलाचा परिणाम नागरिकांच्या आरोग्यावर होताना दिसत आहे.
दुपारी उन्हामध्ये बाहेर पडल्यावर थंड पेय पिणे, नंतर चहा, कॉफी यासारखे गरम पेय पिल्याने घसा खवखवणे, खोकला, सर्दी आदी आजारांमध्येही वाढ होत आहे. तसेच, ढगाळ वातावरणाने ज्येष्ठ नागरिक आणि महिलांना सांधेदुखी, अंगदुखी आदींना सामोरे जावे लागत आहे.
