.jpg?w=480&auto=format%2Ccompress&fit=max)
पुढारी ऑनलाईन डेस्क: उत्तर प्रदेशमधील गोंडा रेल्वे स्थानकाजवळ चंदीगड-दिब्रुगड एक्स्प्रेसचे काही डबे रुळावरून घसरले. या रेल्वे अपघातात चौघांचा मृत्यू झाला आहे. तर १८ जण जखमी झाले आहेत. ही घटना आज (दि.१८ जुलै) दुपारी घडली. यूपीचे उपमुख्यमंत्री ब्रजेश पाठक यांनी पीटीआयला ही माहिती दिली आहे.
या घटनेची माहिती मिळताच उत्तर प्रदेशचे मुख्यमंत्री योगी आदित्यनाथ यांनी गोंडा जिल्ह्यातील रेल्वे अपघाताची दखल घेतली. त्यांनी अधिकाऱ्यांना तात्काळ घटनास्थळी पोहोचून मदतकार्य जलद करण्याचे निर्देश दिले आहेत. तसेच जखमींवर योग्य उपचार करण्याच्या सूचना देखील दिल्याचे उत्तर प्रदेश मुख्यमंत्री कार्यालयाने म्हटले आहे. संबंधित घटनेचा तपशील अपडेट होत आहे.
भारतीय रेल्वेने सांगितले की, ईशान्य रेल्वेच्या लखनऊ विभागात 15904 दिब्रुगड एक्सप्रेस रुळावरून घसरल्याच्या घटनेसंदर्भात हेल्पलाइन क्रमांक जारी करण्यात आले आहेत.
