पुढारी ऑनलाईन डेस्क : लोकसभा निवडणुकीचे एक्झिट पोल शनिवारी ( दि. १ जून) झाले. सर्वच एक्झिट पोलमधून भाजप नेतृत्त्वाखालील एनडीए आघाडीला बहुमत मिळणार असल्याचा दावा करण्यात आला आहे. लोकसभा निवडणुकीबरोबर आंध्र प्रदेश विधानसभा निवडणूक झाली होती. या निवडणुकीचे 'इंडिया टुडे-ॲक्सिस माय इंडिया'ने घेतले एक्झिट पोलमध्ये एनडीएला मोठा विजय मिळेल, अशी शक्यता वर्तविण्यात आली आहे. जाणून घेवूया या एक्झिट पोलची आकडेवारी.
इंडिया टुडे-ॲक्सिस माय इंडियाच्या एक्झिट पोलने शक्यता वर्तवली आहे की, आंध्र प्रदेश विधानसभा निवडणुकीत राष्ट्रीय लोकशाही आघाडी(NDA) ला मोठा विजय मिळेल. या आघाडीला एकूण १७५ पैकी ९८-१२० जागा मिळतील. चंद्राबाबू नायडू यांचा तेलगू देसम पार्टी, भाजप आणि अभिनेता पवन कल्याण यांचा जनसेना पक्ष (जेएसपी) यांच्या आघाडीचा विजय होईल.एनडीएला २०१९ च्या विधानसभा निवडणुकीच्या तुलनेत ८५ जागा अधिक जागा मिळतील, तर सत्ताधारी जगन मोहन रेड्डी यांच्या नेतृत्वाखालील सत्ताधारी वायएसआर काँग्रेस पार्टीच्या (वायएसआरसीपी) जागांची संख्या कमी होईल.
आंध्र प्रदेश विधानसभा निवडणुकीत तेलगू देसम पार्टी ७८ ते ९६ जागांवर विजय मिळवत राज्यातील सर्वात मोठा पक्ष बनेल. भाजपला ४ ते ६ जागा जिंकण्याची अपेक्षा आहे तर अभिनेता पवन कल्याण यांचा जनसेना पक्ष (जेएसपी) १६ ते १८ जागा जिंकेल असा अंदाज आहे.
वायएसआर काँग्रेस पार्टीला केवळ ५५ ते ७७ जागा मिळण्याची शक्यता
जगन मोहन रेड्डी यांच्या नेतृत्वाखालील सत्ताधारी वायएसआर काँग्रेस पार्टी (वायएसआरसीपी) 55 ते 77 च्या दरम्यान जागा मिळवण्याची अपेक्षा आहे, 2019 च्या निवडणुकीत त्यांच्या संख्येपेक्षा मोठी घट होईल, असा अंदाज या एक्झिट पोलमध्ये लावण्यात आला आहे.
काँग्रेसच्या नेतृत्वाखालील इंडिया आघाडीला जास्तीत जास्त दोन जागा मिळतील. आंध्र प्रदेश विधानसभा निवडणुकीत काँग्रेसचे १५९ उमेदवार आणि भारतीय कम्युनिस्ट पार्टी (सीपीआय) आणि कम्युनिस्ट पार्टी ऑफ इंडिया (मार्क्सवादी) (सीपीएम) यांच्या प्रत्येकी आठ उमेदवार रिंगणात आहेत. मतांच्या टक्केवारीच्या बाबतीत एनडीएला 5 टक्के वाढ अपेक्षित आहे, तर इंडिया आघाडीत 1 टक्क्यांनी किरकोळ वाढ होण्याची शक्यता आहे. वायएसआरसीपीच्या मतांची टक्केवारी ६ टक्क्यांनी घटेल, असा अंदाजही इंडिया टुडे-ॲक्सिस माय इंडियाच्या एक्झिट पोलने वर्तविला आहे.
हेही वाचा :
