Lok Sabha polls 2024 | ब्रेकिंग! लोकसभा निवडणूक २०२४ च्या तारखांची उद्या घोषणा

पुढारी ऑनलाईन : क्रेंद्रीय निवडणूक आयोग उद्या शनिवारी दुपारी ३ वाजता लोकसभा निवडणुकीच्या तारखा जाहीर करणार आहे. २०२४ च्या सार्वत्रिक निवडणुका आणि काही राज्यांच्या विधानसभांचे वेळापत्रक जाहीर करण्यासाठी निवडणूक आयोगाची पत्रकार परिषद उद्या १६ मार्च रोजी दुपारी ३ वाजता होईल, असे निवडणूक आयोगाकडून सांगण्यात आले आहे. (Lok Sabha polls 2024)

लोकसभा निवडणुका ७ ते ८ टप्प्यांत होण्याची शक्यता आहे. या निवडणुकीच्या तारखा उद्या जाहीर केल्या जाणार आहेत. तसेच निवडणूक आयोग उद्या ओडिशा, सिक्कीम, अरुणाचल प्रदेश आणि आंध्र प्रदेशमध्ये होणाऱ्या विधानसभा निवडणुकांच्या तारखाही जाहीर करणार आहे. निवडणूक आयोगाच्या सोशल मीडिया प्लॅटफॉर्मवर या पत्रकार परिषदेचे थेट प्रक्षेपण होणार असल्याचे निवडणूक आयोगाने म्हटले आहे.

नवनियुक्त निवडणूक आयुक्त ज्ञानेश कुमार आणि डॉ. सुखबीर सिंग संधू यांनी आज शुक्रवारी निवडणूक आयोगात रुजू होऊन कामकाजाची सुत्रे हाती घेतली. पंतप्रधान नरेंद्र मोदी यांच्या नेतृत्वातील त्रिसदस्यीय समितीने ज्ञानेश कुमार आणि सुखबीर सिंग संधू यांची निवडणूक आयुक्त म्हणून निवड केली आहे. अरुण गोयल यांनी निवडणूक आयुक्त म्हणून तडकाफडकी राजीनामा दिल्यानंतर राजीव कुमार हे एकच निवडणूक आयुक्त होते. आता पंतप्रधान नरेंद्र मोदींसह त्रिसदस्यीय समितीने या नावांची निवड केली आहे. या दोन्ही नावांना  राष्ट्रपती द्रौपदी मुर्मू यांनी मंजुरी दिली आहे. या संदर्भातील अधिसूचना कायदा मंत्रालयाद्वारे काढण्यात आली होती. (Lok Sabha polls 2024)

आता निवडणूक आयोगाने देशभरातील परिस्थितीचा आढावा घेऊन लोकसभा निवडणुकीची तयारी केली आहे.

Press Conference by the Election Commission to announce the schedule for General Elections 2024 & some State Assemblies will be held at 3 pm tomorrow, 16th March. It will be live streamed on the social media platforms of the ECI: ECI pic.twitter.com/JVGGQfMYgw

— ANI (@ANI) March 15, 2024

हे ही वाचा :

• पंजाबमध्ये काँग्रेसला मोठा धक्का; आमदाराचा आपमध्ये प्रवेश
• ‘लॉटरी किंग’, ‘ED टार्गेट’! कोण आहेत सँटियागो मार्टिन?, ज्यांनी राजकीय पक्षांना दिली सर्वाधिक १,३६८ कोटींची देणगी
• नवनियुक्त निवडणूक आयुक्त ज्ञानेश कुमार, डॉ. सुखबीर सिंग संधू ECI मध्ये रुजू