सध्या देशात पाच राज्यांच्या निवडणुकांचे वारे जोरात वाहत आहे. मात्र याच कालावधीमध्ये भारतीय जनता पक्ष येणाऱ्या लोकसभा निवडणुकांची देखील तयारी करत आहे. महाराष्ट्रासह विविध राज्यांमधील १४४ लोकसभा क्षेत्रावर भाजपने विशेष रणनीती तयार करायला सुरुवात केली आहे. या अनुषंगाने रणनीती तयार करण्यासाठी प्रमुख नेत्यांची ही बैठक बोलावण्यात आली होती. या १४४ लोकसभा क्षेत्रांमध्ये लोकसभा प्रवास रणनीती काय असली पाहिजे, कुठले मुद्दे या क्षेत्रांमध्ये महत्त्वाचे आहेत, यावर या बैठकीत चर्चा झाल्याचे समजते. ज्या राज्यांबद्दल या बैठकीत चर्चा झाली त्यामध्ये उत्तर प्रदेशात भाजपची सत्ता आहे, बिहारमध्ये भाजप विरोधी पक्षात आहे, कर्नाटकामध्ये भाजपकडे नाही तर महाराष्ट्रात भाजप मित्र पक्षांसोबत सत्तेत आहे. या चार राज्यांमधील लोकसभेच्या जागा निर्णायक आहेत या अनुषंगाने रणनीती ठरवण्यासंबंधी या बैठकीत चर्चा झाल्याचे समजते.
