EPF advance for marriage | लग्नासाठी PF फंडातून काढू शकता पैसे, जाणून घ्या नियम आणि अटी

By:Deepak Bhandigare Published on: August 12, 2023, 12:54 PM

पुढारी ऑनलाईन : पीएफ खातेधारक त्यांच्या अथवा कुटुंबातील सदस्यांच्या लग्नासाठी पीएफ फंडातून ॲडव्हान्स पैसे काढू शकतात. कुटुंबातील सदस्यांत मुलगा- मुलगी भाऊ-बहीण यांचा समावेश आहे. याचाच अर्थ तुम्ही कुटुंबातील या सदस्यांच्या लग्नाकरिता पीएफ खात्यातून पैसे काढू शकता. यासाठी पीएफ खातेधारकांना जमा रकमेच्या ५० टक्के हिस्सा काढता येतो. (EPF advance for marriage)

नोकरी करणारे लोक बचत म्हणून कर्मचारी भविष्य निर्वाह निधीत गुंतवणूक करतात. या रकमेवर सरकारकडून व्याज मिळते. यात पगारातील एक ठराविक रक्कम जमा केली जाते. आर्थिक वर्ष २०२२-२३ साठी कर्मचारी भविष्य निर्वाह निधीवर ८.१५ टक्के इतका व्याजदर निर्धारित करण्यात आला आहे. आर्थिक वर्ष २०२१-२२ साठी ८.१ टक्के इतका व्याजदर देण्यात आला होता. १९७७-७८ नंतरचा हा सर्वात कमी व्याजदर होता. तुम्हाला हे माहित आहे का की खातेधारक गरज पडल्यास त्यांच्या खात्यातून पैसे काढू शकतात.

पैसे काढण्यासाठी काय आहेत अटी, नियम

जर तुमच्या खात्याला ७ वर्षे पूर्ण झाली असतील तर तुम्ही तुमच्या पीएफ फंडातून ५० टक्के रक्कम काढू शकता.
शिक्षण आणि लग्नासाठी पीएफ खात्यातून केवळ तीनवेळाच पैसे काढता येतात.
पैसे काढण्यासाठी तुमचा यूएएन नंबर ॲक्टिव्हेट असणे गरजेचे आहे.
पीएफ खाते तुमच्या आधार कार्डशी लिंक करायला हवे.
पीएफ खात्यातून पैसे काढण्यासाठी तुम्ही ऑनलाईन अर्ज करु शकता.
तुम्ही ऑनलाईन माध्यमातून केवळ ७२ तासांत पैसे काढू शकता.

असा चेक करा पीएफ बॅलेन्स

सर्वात आधी अधिकृत वेबसाईट www.epfindia.gov.in वर जावे लागेल.
तुम्ही पासबुक पर्यायावर जा.
आता यूएएन नंबर, पासवर्ड आणि कॅप्चा कोड नमूद करावा लागेल.
मेंबरशीप आयडीच्या माध्यमातून तुम्ही पासबुक पाहू शकता. हे डाउनलोड देखील करता येते. (EPF advance for marriage)

हे ही वाचा :