Kanjhawala hit and drag case: कंझावला ‘हिट अँड रन’ गुन्ह्याप्रकरणी आरोपींविरोधात चालणार हत्येचा खटला

नवी दिल्ली; पुढारी वृत्तसेवा: दिल्लीतील कंझावला येथील 'हिट अँड रन' गुन्ह्याप्रकरणी सर्व चार आरोपींविरोधात हत्येचा खटला चालविण्याचे आदेश रोहिणी न्यायालयाने गुरुवारी (दि.२७ जुलै) दिले. मोटारकारची स्कुटरला धडक बसल्यानंतर पीडित अंजली नावाची युवती गाडीखाली अडकली होती. तिला आरोपींनी 13 किलोमीटर फरफटत नेले होते. यात तिचा दुर्दैवी मृत्यू झाला होता.

कारखाली युवती अडकली असल्याचे आरोपींना माहिती होते, पण तरीही त्यांनी तिला फरफटत नेले असल्याचे पोलीस तपासात उघड झाले होते. आरोपी मनोज मित्तल, अमित खन्ना यांच्यासह दोन अन्य आरोपींविरोधात पोलिसांनी आठशे पानांचे दोषारोप पत्र दाखल केलेले आहे.

हेही वाचा:

• Rohit Sharma On Bumrah : रोहित शर्माने दिली गुड न्यूज! जसप्रीत बुमराहच्या कमबॅकवर म्हणाला…
• दोन वेळचे खासदार बापूसाहेब परुळेकर भाजपमध्ये का गेले नव्हते? Bapusaheb Parulekar Obituary