Jammu and Kashmir | जम्मू-काश्मीरमध्ये ४ दहशतवाद्यांचा खात्मा

पुढारी ऑनलाईन डेस्क : जम्मू आणि काश्मीरमधील पुंछमध्ये सुरक्षा दलांनी केलेल्या मोठ्या कारवाईत चार दहशतवाद्यांचा खात्मा केला. पुंछमधील सिंधरा भागात दहशतवादी आणि सुरक्षा दलांमध्ये ही चकमक झाली, अशी माहिती भारतीय लष्कराच्या अधिकाऱ्यांनी मंगळवारी (दि.१७) दिली. भारतीय लष्कराची विशेष दले, राष्ट्रीय रायफल्स आणि जम्मू-काश्मीर पोलिस आणि इतर दलांनी ही संयुक्त कारवाई पुंछच्या सिंधरा भागात केली आहे, असेही त्यांनी सांगितले. (Jammu and Kashmir)

सोमवारी (दि.१७) संध्याकाळी जम्मू-काश्मीरच्या पुंछमधील सिंधरा भागात काही दहशतवादी लपल्याची माहिती सुरक्षा दलांना मिळाली होती. यानंतर राष्ट्रीय रायफल्स आणि जम्मू-काश्मीर पोलिस आणि इतर सुरक्षा दलांनी शोधमोहीम राबवली. रात्री 11.30 च्या सुमारास दहशतवादी आणि सुरक्षा दलांमध्ये गोळीबारही झाला. यानंतर रात्रभर दहशतवाद्यांना घेरून नजर ठेवण्यात आली. या चकमकीत सुरक्षा दलांनी ४ दहशतवाद्यांचा खात्मा केला. (Jammu and Kashmir)