मुसेवाला हत्‍याप्रकरणी ‘एनआयए’चा मोठा खुलासा, हत्येसाठीची शस्त्रे पाकिस्तानातून आलेली!

पुढारी ऑनलाईन डेस्‍क : पंजाबी गायक सिद्धू मूसेवाला (Sidhu Moosewala)हत्‍या प्रकरणी राष्‍ट्रीय तपास संस्‍थेने (एनआयए) मोठा खुलासा केला आहे. २९ मे २०२२ मध्‍ये मुसेवाला यांची गोळ्या झाडून हत्या करण्यात आली होती. या हत्येची जबाबदारी गँगस्टर लॉरेन्स बिश्नोई आणि गोल्डी ब्रार यांनी घेतली होती. (Sidhu Moose Wala Murder case )

मुसेवाला हत्या प्रकरणी आता मोठा खुलासा झाला आहे. या प्रकरणाचा तपास करणार्‍या राष्ट्रीय तपास संस्थेच्या सूत्रांनी दिलेल्या माहितीनुसार, मूसवाला हत्याकांडात वापरलेली शस्त्रे पाकिस्तानातून आली होती. पाकिस्तानच्या हमीद नावाच्या शस्त्रास्त्र तस्कराने ही शस्त्रे पुरवली होती. सूत्रांनी दिलेल्या माहितीनुसार, हमीद दुबईत राहतो. (Sidhu Moose Wala Murder case )

पंजाब सरकारने मुसेवाला यांच्‍या सुरक्षेमध्ये कपात केली. यानंतर अवघ्‍या २४ तासांमध्‍येच मानसा जिल्ह्यातील मूळ गावी मुसेवाला यांची गुंडांनी गोळ्या घालून हत्‍या केली हाेती. या गुन्ह्यात एके ४७ रायफल वापरण्यात आल्याचे यापूर्वी सांगण्यात आले होते.

Sidhu Moose Wala Murder case : असॉल्ट रायफल AN-94 मधून गोळीबार

मूसवाला यांच्यावर गोळ्या झाडण्यात आलेल्या तीन शस्त्रांमध्ये असॉल्ट रायफल AN-94 चाही समावेश होता. या शस्त्रास्त्राच्या वापरामुळे तपास यंत्रणाही हैराण झाल्या होत्या, कारण ही असॉल्ट रायफल केवळ सशस्त्र दलांनी वापरली आहे. सूत्रांनी दिलेल्या माहितीनुसार, हमीदने लॉरेन्स बिश्नोई टोळीच्या बुलंदशहर निवासी कोंबड्याला शस्त्रे पुरवली होती. हल्‍लेखोरांनी मुसेवाला यांच्या डोक्यावर आणि कपाळावर गोळ्या झाडल्या. आरोपींनी सिद्धूच्या कारवर समोरून आणि ड्रायव्हरच्या बाजूने सतत गोळीबार केला. मुसेवाला यांच्या डोक्याला दोन, छातीवर आणि हाताला तीन गोळ्या लागल्या होत्‍या.

हेही वाचा : 

• Maharashtra Monsoon Session : शेतकरीप्रश्नी विरोधक आक्रमक, विधानसभेचे कामकाज दिवसभरासाठी तहकूब
• Stock Market Updates | सेन्सेक्स नव्या उच्चांकावर, निफ्टी १९,६०० पार, 'हे' स्टॉक्स तेजीत
• Seema Haider case : पाकमध्ये मंदिरांवर रॉकेट लॉंचरने हल्ले; सिंधमध्ये हिंदुंच्या घरांवरही अंदाधुंद गोळीबार