हिमाचल प्रदेशमध्‍ये पावसाचा कहर, मंडी जिल्ह्यात माेठे नुकसान
पुढारी ऑनलाईन डेस्‍क : हिमाचल प्रदेशात पावसाचा कहर सुरूच आहे. मुसळधार पावसामुळे मंडी जिल्ह्यातील सेराज खोऱ्यात मोठ्या प्रमाणात नुकसान झाले आहे. सेरज येथील तुंगाधर येथे अतिवृष्टीमुळे आलेल्या पुरात अनेक वाहने वाहून गेली. कुल्लू जिल्हा मुख्यालयाजवळील दोहरनाला भागात शनिवारी रात्री झालेल्या मुसळधार पावसामुळे मोहल खड्डामध्ये पूर आला होता.
हिमाचल प्रदेश राज्यातील विविध जिल्ह्यांमध्ये मुसळधार पाऊस पडत आहे. सिमलाच्या रामपूर तालुक्यातील सरपारा गावात ढगफुटी सदृश पाऊसझाला. मुसळधार पावसामुळे भूस्खलनाच्या घटनाही घडल्या असून वाहतुकीवर परिणाम झाला आहे. सरपरा गावात ढगफुटीमुळे शेतकऱ्यांचे सर्वाधिक नुकसान झाले आहे. पुरात स्थानिक लोकांची अनेक एकर पिके वाहून गेली आहेत. नाल्याला पूर आल्याने नरोणी गावाजवळ डझनभर वाहने पुराच्या तडाख्यात आली. काही वाहने रात्रीच बाहेर काढण्यात आली. या वर्षीच्या कुल्लू जिल्ह्यात पहिल्याच पावसामुळे पुराची ही पहिलीच घटना आहे. मध्यरात्री नाल्याला पूर आल्याने गोंधळ उडाला.
ढगफुटीमुळे सरपारा गावात मोठे नुकसान
सरपारा गावात बांधलेल्या १४ मेगावॅटच्या ग्रीनको प्रकल्पाच्या पेनस्टॉक लाइनचेही मुसळधार पावसामुळे नुकसान झाले आहे. जाड लोखंडी पाइपलाइन फुटल्याने पुराचे पाणी आणखी वाढू लागले आहे.गोठ्याचे व सॉ मशीन शेडचेही पुरामुळे मोठे नुकसान झाले आहे. त्याचबरोबर रस्त्यांवरील वाहतुकीवरही परिणाम झाला आहे.
कालका-शिमला रेल्वे ट्रॅक दुसऱ्या दिवशीही बंद
सोलनमध्ये मुसळधार पावसामुळे मोठ्या प्रमाणात नुकसान झाले आहे. मुसळधार पावसामुळे अनेक ठिकाणी भूस्खलन झाल्यामुळे शनिवारी सकाळी जागतिक वारसा कालका-शिमला रेल्वे ट्रॅक विस्कळीत झाला. त्याचवेळी दुसऱ्या दिवशीही रेल्वे ट्रॅक विस्कळीत राहिला. कालका शिमला रेल्वे मार्गावरील सर्व गाड्यांची वाहतूक आजही रद्द करण्यात आली आहे. याशिवाय मंडी जिल्ह्यातील बल्ह, द्रांग आणि सेराज विधानसभा मतदारसंघात रविवारी रात्री झालेल्या मुसळधार पावसाने मोठे नुकसान झाले आहे.
भूस्खलन आणि ढिगाऱ्यांमुळे किरतपूर मनाली फोरलेन आणि पठाणकोट मंडी राष्ट्रीय महामार्गावरील वाहतूक ठप्‍प झाली आहे. बियास नदीच्या पाण्याची पातळी सुमारे ४० हजार क्युसेकवर पोहोचली आहे. नदीच्या पाणी पातळीत सातत्याने वाढ होत आहे. बाढ खोऱ्यात सुमारे एक हजार बिघा जमीन जलमय झाली आहे. यामुळे टोमॅटो पिकाचे मोठे नुकसान झाले आहे.
#WATCH | Himachal Pradesh: Cloudburst & heavy rain reported in Sarpara village in Rampur tehsil of Shimla. pic.twitter.com/fyQDPamDd1
— ANI (@ANI) June 25, 2023
Several vehicles washed away due to flash flood in Himachal Pradesh’s Mandi
Read @ANI Story | https://t.co/67g95fruES#flashflood #HimachalPradesh #Mandi pic.twitter.com/iOCax39BzX
— ANI Digital (@ani_digital) June 25, 2023
हेही वाचा :
- अ.भा.मराठी साहित्य संमेलनाच्या अध्यक्षपदी नागपूरचे डॉ. रवींद्र शोभणे
- Manipur Violence : मणिपूरमध्ये पुन्हा ३० जूनपर्यंत इंटरनेटवर बंदी
- Mob Linching : जमावाकडून संशयितास मारहाण; तरुणाची हत्या