Raut Vs Rane : सत्तेसाठी लाचारी म्हणजे नारायण राणे; विनायक राऊतांकडून हल्लाबोल सुरूच

केंद्रीय मंत्री नारायण राणे (Raut Vs Rane) यांच्याकडून मुख्यमंत्री उद्धव ठाकरे यांच्यावर करण्यात आलेल्या टीकेचा खासदार विनायक राऊत यांनी खरपूस समाचार घेतला आहे. लाचारी हा शब्द लागू होणारी व्यक्त म्हणजेच 'नारायण राणे' अशा शब्दात राऊत यांनी राणेंवर टिकास्त्र सोडले आहे.

एका वर्षात त्यांनी त्यांचा पक्ष बुडवला. स्वत:च्या स्वार्थासाठी त्यांनी लाचारी पत्करली, अशा घणाघात राऊत यांनी गुरूवारी राणे यांच्यावर केला. उद्धव ठाकरे हे शिवसैनिकासह मुख्यमंत्री देखील आहे. मुख्यमंत्र्यांना आम्हाला सार्थ अभिमान आहे, अशी भावना विनायक राऊत यांनी (Raut Vs Rane) व्यक्त केली.

देशाने गुरूवारी लसीकरणाचा १०० कोटींचा टप्पा ओलांडला. ही बाब अत्यंत आनंदाची आहे. या कामगिरीबद्दल पंतप्रधान नरेंद्र मोदी, मुख्यमंत्री उद्धव ठाकरे तसेच या मोहिमेत सहभागी असलेल्या सर्वांचे अभिनंदन, अशा शब्दात राऊत यांनी देशाला आणि महाराष्ट्रवासियांना शुभेच्छा दिल्या.

डिसेंबरपर्यंत जेष्ठ नागिरकांचे लसीकरण पूर्ण करण्याचे सरकारचे काम आहे. तरूणांसह जेष्ठांचे लसीकरण लवकरात लवकर पूर्ण झाले तरच देश कोरोनामुक्त होईल,असे राऊत म्हणाले.