Earthquake : बिहारमध्ये ४.३ रिश्टर स्केलचा भूकंप
पुढारी ऑनलाईन: बिहारमधील अररिया शहरात बुधवारी (दि.१२) पहाटे ४.३ रिश्टर स्केल भूकंपाचे धक्के बसले. राष्ट्रीय भूकंप विज्ञान केंद्राने दिलेल्या माहितीनुसार आज पहाटे ५ वाजून ३५ मिनिटांनी भूकंपाचे धक्के जाणवले. या भूकंपाचा केंद्रबिंदू १० किमी खोलीवर होता. बिहारप्रमाणेच पश्चिम बंगालच्या सिलीगुडीमध्येही भूकंपाचे धक्के जाणवले आहेत.
राष्ट्रीय भूकंप विज्ञान केंद्राने दिलेल्या माहितीनुसार, यापूर्वी रविवारी निकोबार बेटावर ५.३ रिश्टर स्केल इतक्या तीव्रतेचा भूकंप झाला होता. रविवारी (दि.०९) दुपारी ४ वाजून १ मिनिटांच्या सुमारास भूकंप झाला होता.
पश्चिम नेपाळमध्ये ४.१ रिश्टर स्केलचा भूकंप
पश्चिम नेपाळमध्ये मंगळवारी (दि.११) ४.१ रिश्टर स्केलचा भूकंप झाला होता. नॅशनल सेंटर फॉर सिस्मॉलॉजीनुसार, या भूकंपाचा केंद्रबिंदू काठमांडूच्या पश्चिमेला १४० किमी अंतरावर असलेल्या गोरखा जिल्ह्यातील बलुवा भागात होता. स्थानिक वेळेनुसार संध्याकाळी ६ वाजून ५० मिनिटांनी हा भूकंप झाला.
हेही वाचा:
- MSC bank scam case | महाराष्ट्र राज्य सहकारी बँक घोटाळ्यात अजित पवार यांना ‘ईडी’कडून क्लीनचिट?, आरोपपत्रात नावाचा उल्लेख नाही
- पदोन्नतीमुळे 69 कृषी अधीक्षक विराजमान ; कृषी उपसंचालकांच्या बढत्यांवर शिक्कामोर्तब
- गाडीच्या नंबर प्लेटसाठी खर्च केले 122 कोटी रुपये; ‘या’ महागड्या नंबरची गिनिज बुक मध्येही नाेंद