Priyanka Gandhi : प्रियांका गांधी लढवणार वायनाड लोकसभेची पोटनिवडणूक? | पुढारी

Priyanka Gandhi : प्रियांका गांधी लढवणार वायनाड लोकसभेची पोटनिवडणूक?

नवी दिल्ली, पुढारी ऑनलाईन : काँग्रेसचे नेते राहुल गांधी (Rahul gandhi) यांचे लोकसभेचे सदस्यत्व रद्द झाल्यानंतर केरळमधील वायनाडची जागा रिक्त झाली आहे. दरम्यान, येणा-या काळात येथील पोटनिवडणूक कोण लढवणार याबाबत अजून रणनीती ठरलेली नाही. राहुल पुढील 8 वर्षे निवडणूक लढवू शकतील, हेही निश्चित नाही. अमेठीतून कोण निवडणूक लढवणार हे ठरलेले नाही. अशा परिस्थितीत काँग्रेसमध्ये (Congress) मोठी उलथापालथ होत असल्याचे चित्र आहे. सूत्रांनी दिलेल्या माहितीनुसार, 24 मार्च रोजी झालेल्या बैठकीत सोनिया गांधी (Sonia Gandhi) आणि प्रियंका गांधी वाड्रा (Priyanka Gandhi) यांनी संपूर्ण परिस्थिती हाताळण्याची जबाबदारी घेतली आहे.

राहुल यांची खासदारकी रद्द झाल्याचे शुक्रवारी दुपारी समजताच सोनिया गांधी आणि प्रियांका (Priyanka Gandhi) त्यांच्या घरी पोहोचल्या. नवीन रणनीती आखली गेली. खटला कसा लढवायचा आणि जनतेपुढे कसे जायचे, जनतेतील लढाई राहुल यांच्या नेतृत्वाखालीच लढली जाईल, या मुद्द्यांवर यावेळी चर्चा झाली. या बैठकीत काँग्रेस अध्यक्ष मल्लिकार्जुन खरगे यांच्यासह सर्व बडे नेते यावर एकमत झाल्याचे बोलले जात आहे. मात्र, राहुल गांधी या बैठकीपासून दूर राहिले आणि यामागेही एक विचारी रणनीती असल्याची चर्चा आहे.

राहुल यांची खासदारकी रद्द होणे हे प्रकरण कायदेशीर गुंतागुंतीने भरलेले आहे. सध्या न्यायालयीन लढाई काँग्रेसची कायदेशीर टीम पाहणार असल्याचा निर्णय पक्षनेतृत्वाने घेतला आहे. केवळ उच्च न्यायालयात दोषी ठरविणे, सुरत सत्र न्यायालयाच्या निर्णयाविरुद्ध अपील करणे आणि सर्वोच्च न्यायालयात सदस्यत्व रद्द करण्याच्या मुद्दयांवर ही टीम काम करेल.

दरम्यान, सूत्रांनी दिलेल्या माहितीनुसार सोनिया आणि प्रियंका गांधी (Priyanka Gandhi) यांची पक्षातील सक्रियता वाढणार आहे. राहुल गांधींना उच्च न्यायालयाकडून दिलासा मिळाला नाही आणि वायनाडमध्ये पोटनिवडणूक लागली, तर त्या जागी प्रियांका गांधी निवडणूक लढवू शकतील अशी चर्चा रंगली आहे. मात्र, खटल्याच्या परिस्थितीनुसार निर्णय घेतला जाईल. सोनिया गांधी पुन्हा राजकारणात सक्रिय होऊन जनतेपुढे येऊ शकतात. प्रियांका यांनी शुक्रवारी केलेल्या ट्विटनंतर याबाबत जोरदार चर्चा सुरू झाली आहे.

प्रियांका यांनी ट्विटमध्ये म्हटले आहे की, ‘पीएम मोदीजी, तुमच्या गुंडांनी शहीद पंतप्रधानांच्या मुलाला देशद्रोही, मीर जाफर म्हटले. तुमच्या एका मुख्यमंत्र्यांनी प्रश्न उपस्थित केला की राहुल गांधींचे वडील कोण? काश्मिरी पंडितांच्या प्रथेनुसार, एक मुलगा त्याच्या वडिलांच्या मृत्यूनंतर पगडी घालतो, त्याची कौटुंबिक परंपरा कायम ठेवतो. संपूर्ण कुटुंबाचा आणि काश्मिरी पंडित समाजाचा अपमान करत तुम्ही संसदेत नेहरूंचे नाव का लावत नाही, असा सवाल केला. पण तुम्हाला कोणत्याही न्यायाधीशांनी तुम्हाला दोन वर्षांची शिक्षा दिली नाही.’

‘राहुल यांनी नीरव मोदी आणि मेहुल चोक्सीवर प्रश्न उपस्थित केला. तुमचे मित्र गौतम अदानी यांच्यावर घोटाळ्याचे आरोप करताच तुम्ही संतापला. ते देशाच्या संसदेपेक्षा आणि भारतातील महान लोकांपेक्षा मोठे आहेत का? गांधी घराण्याने भारतातील लोकशाहीसाठी रक्त सांडले आहे, जी तुम्ही नष्ट करण्याचा प्रयत्न करत आहात. भ्याड, सत्तेच्या भुकेल्या हुकूमशहापुढे हे कुटुंब कधीच झुकले नाही आणि झुकणारही नाही. तुम्हाला जे करायचे आहे ते करा..’ असे म्हणत प्रियांका गांधी यांनी पंतप्रधान नरेंद्र मोदी यांना घेरण्याचा प्रयत्न केला.

प्रियांका गांधी (Priyanka Gandhi) या लोकसभेच्या खासदार आहेत ना राज्यसभेच्या. त्यांच्याकडे काँग्रेसचे सरचिटणीसपद आहे. अशा स्थितीत राहुल गांधींचे लोकसभा सदस्यत्व रद्द झाल्यानंतर निर्माण झालेल्या राजकीय वातावरणाचे भांडवल करण्यासाठी प्रियंका गांधींपेक्षा चांगला उमेदवार काँग्रेसकडे नसेल. राहुल यांच्या संसद सदस्यत्वाचा मुद्दा पुढे आल्यानंतर सोनिया आणि प्रियंका गांधी यांची पक्षातील सक्रियता वाढणार आहे . राहुल गांधींना उच्च न्यायालयाकडून दिलासा मिळाला नाही आणि वायनाडमध्ये पोटनिवडणूक झाली, तर त्यांच्या जागी प्रियांका गांधी निवडणूक लढवू शकतात, असे अनेक राजकीय विश्लेषकांचे म्हणणे आहे.

हेही वाचा

Back to top button