PM Narendra Modi : पंतप्रधान नरेंद्र मोदी आज 75 रुपयांच्या विशेष नाण्याचे अनावरण करणार

नवी दिल्ली; पुढारी वृत्तसेवा : राष्ट्रीय कॅडेट कोर अर्थात एनसीसीच्या 75 व्या स्थापना दिवसानिमित्त पंतप्रधान नरेंद्र मोदी शनिवारी (दि.२८ 75 रुपये किमतीच्या एका विशेष नाण्याचे अनावरण करणार आहेत. करियप्पा परेड मैदानात आयोजित करण्यात आलेल्या एनसीसीच्या वार्षिक कार्यक्रमात पंतप्रधान (PM Narendra Modi) मार्गदर्शन करणार असल्याची माहितीही पंतप्रधान कार्यालयाकडून देण्यात आली आहे.

एनसीसीच्या 75 व्या स्थापनादिवसानिमित्त देशभरात विविध कार्यक्रमांचे आयोजन करण्यात आले आहेत. मुख्य कार्यक्रम दिल्लीत होईल. 'एक भारत, श्रेष्ठ भारत' विषयावर एका सांस्कृतिक कार्यक्रमाचे आयोजन देखील करण्यात आले आहे. 'वसुधैव कुटुम्बकम' चा दृष्टिकोन डोळ्यासमोर ठेवून 19 देशांच्या अधिकारी आणि कॅडेटसना या कार्यक्रमासाठी निमंत्रित करण्यात आले आहे.