Rafale M Fighter : भारतीय नौदलात लवकरच २६ राफेल एम फायटर विमानांचा समावेश
नवी दिल्ली; वृत्तसंस्था : भारतीय हवाई दलापाठोपाठ भारतीय नौदलाने आपल्या ताफ्यासाठी फ्रान्समधील राफेल एम या लढाऊ विमानाची निवड केली आहे. मार्चमध्ये फ्रान्सचे राष्ट्राध्यक्ष इमॅन्युएल मॅक्राँ भारत दौर्‍यावर येणार आहेत. या दौर्‍यातच राफेल एम खरेदी व्यवहारावर अंतिम शिक्कामोर्तब होईल, असे मानले जाते. अमेरिकेच्या जेट एफ/ए-18 सुपर हॉर्नेटचा पर्यायही भारतीय नौदलासमोर होता; पण एकूण क्षमता पाहून राफेल एमची निवड नौदलाने केली. (Rafale M Fighter)
‘विक्रांत’वर होणार तैनात (Rafale M Fighter)
राफेल एम नौदलाच्या आयएनएस विक्रांतवर तैनात होईल, अशी शक्यता आहे. ग्रीस, इंडोनेशिया आणि यूएईच्या फौजांमध्ये राफेल एम आधीच दाखल झाले आहे. अमेरिकन आणि फ्रेंच अशा दोन्ही विमानांची ट्रायल गोव्यातील आयएनएस हंसा या तळावर नौदलाने घेतली होती. नौदलाकडे सध्या असलेली रशियन बनावटीची 43 युद्ध विमाने जुनी झालेली आहेत.
राफेल एमची वैशिष्ट्ये
- राफेल एम विमानात अद्ययावत रडार बसविलेले आहे.
- हे रडार हवा, समुद्र आणि जमिनीवरील लक्ष्य स्कॅन तसेच ट्रॅक करू शकते.
- राफेल एम आपल्या व्हिज्युअल रेंजमुळे (द़ृष्टी क्षमता) अत्यंत उपयुक्त ठरणार आहे.
अधिक वाचा :
- Pak vs Taliban : पाकिस्तानमध्ये गृहयुद्ध पेटवून तालिबान बळकावणार देश? युद्ध कोणत्याही क्षणी
- Cold Wave : उत्तर भारतात कडाक्याच्या थंडीने गाठला उच्चांक; विमानांसह रेल्वे सेवेवर परिणाम
- Afghanistan Blasts : अफगाणिस्तानमध्ये स्फोटांच्या हल्ल्यांची मालिका सुरुच