शिक्षित मुस्लिम शिक्षक ‘पीएफआय’चे लक्ष : राष्ट्रीय मुस्लिम मंचाचा दावा

नवी दिल्ली, पुढारी वृत्तसेवा :  पॉप्यूलर फ्रंट ऑफ इंडिया (पीएफआय) संबंधी मुस्लिम राष्ट्रीय मंचाचे मौलाना सुहैब कासमी यांनी मोठा दावा केला आहे. पीएफआय कर्नाटक, आंध्र प्रदेश तसेच तेलंगणामधील शिक्षित मुस्लिम शिक्षकांना लक्ष करीत असल्याचा दावा कासमी यांनी केला आहे. संघटनेला शाळा तसेच मदरसातील युवकांची दिशाभूल करायची आहे, असा दावा देखील त्यांनी केला.

आपले काम करण्यासाठी संघटनेकडून आधुनिक नावांचा वापर केला जात असल्याचे देखील कासमी म्हणाले. भारत एक शांतताप्रिय देश आहे. अनेक दशकांपासून मुस्लिम येथे वास्तव्याला आहेत. परंतु, विद्यार्थ्यांना 'पीएफआय' सारख्या संघटनांपासून सावध राहण्याची आवश्यकता आहे, असेही त्‍यांनी म्‍हटले आहे.