Corona Alert in UP : युपी सरकाचा मोठा निर्णय! पोलिसांना मास्क घालणे बंधनकारक
लखनौ; पुढारी ऑनलाईन : उत्तर प्रदेश सरकारने कोरोनाचा सामना करण्यासाठी पावले उचलण्यास सुरुवात केली आहे. उत्तर प्रदेशमध्ये कोरोनाचा संसर्ग रोखण्यासाठी सर्व पोलिसांना मास्क घालणे बंधनकारक करण्यात आले आहे. (Corona Alert in UP)
कोविडचा सर्वात वाईट सामना करणार्‍या उत्तर प्रदेशने केंद्र सरकारचा इशारा मिळताच राज्यातील कोरोना साथीच्या आजाराला रोखण्यासाठी सर्व शक्य उपायांचा अवलंब करण्यास सुरुवात केली आहे. उत्तर प्रदेशमध्ये सर्व पोलिसांना मास्क घालणे बंधनकारक करण्यात आले आहे. याशिवाय सॅनिटायझरचा सक्तीने वापरण्याच्या सूचनाही देण्यात आल्या आहेत. पोलिसांना १०० टक्के लसीकरण करण्याच्या सूचनाही देण्यात आल्या आहेत. (Corona Alert in UP)
आरोग्य विभाग सतर्कतेवर (Corona Alert in UP)
त्याचबरोबर यूपीचे आरोग्य विभागही अलर्ट मोडवर आले आहे. सर्व प्रथम, त्यांनी स्वतःच्या कर्मचार्‍यांनी कोरोना मार्गदर्शक तत्त्वे अंमलात आणण्यासाठी मार्गदर्शक तत्त्वे जारी केली आहेत. लखनौ पीजीआयच्या संचालकांनी मास्क असल्यासच रुग्ण आणि त्यांच्यासोबत येणाऱ्यांना पीजीआयमध्ये प्रवेश देण्याच्या सूचना दिल्या आहेत. आरोग्य कर्मचारी आणि सफाई कामगारांनाही मास्क अनिवार्य करण्यात आले आहेत.
पंतप्रधान मोदी यांनी घेतली उच्चस्तरीय बैठक
चीन, जपान आणि अमेरिकेसह अनेक देशांमध्ये कोरोनाचे सब-वेरिएंट BF.7 चे प्रकरण समोर येत आहेत. बुधवारी भारतातही BF.7 ची चार प्रकरणे नोंदवली गेली, त्यानंतर पंतप्रधान नरेंद्र मोदी यांनी गुरुवारी ऑनलाईन उच्चस्तरीय बैठक घेतली. या बैठकीत त्यांना देशाच्या तयारीबद्दल माहिती देण्यात आली. ही बैठक सुमारे दोन तास चालली. यावेळी पंतप्रधान मोदी यांनी सर्वाना सावध राहण्याबरोबरच लोकांनी सार्वजनिक ठिकाणी फेस मास्क घालण्याचे आवाहन केले.
केंद्रीय स्वास्थ्य मंत्रालय नए साल और आगामी त्योहारों के मद्देनजर #COVID19 के लिए एक नई सलाह जारी करेगा: सूत्र pic.twitter.com/eRvMdeFvnp
— ANI_HindiNews (@AHindinews) December 23, 2022
अधिक वाचा :