Certificate Of Coverage : परदेशात नोकरीसाठी जात आहात...मग या प्रमाणपत्राची माहिती करुन घ्या
पुढारी ऑनलाईन डेस्क : जर तुम्ही नोकरीसाठी परदेशात जात असाल किंवा जाणार असाल, तर सर्टिफिकेट ऑफ कव्हरेज ( Certificate of Coverage) बद्दल जाणून घेणे फार महत्वाचे आहे. CoC हे एक प्रकारचे प्रमाणपत्र किंवा पुस्तिका आहे, ज्यामध्ये ते कोणत्या गोष्टींसाठी सामाजिक सुरक्षा योजना किंवा विमा पॉलिसी अंतर्गत विमा उतरवला आहे कि नाही याची माहिती दिलेली आहे. परदेशात नोकरीसाठी जाणार्यांनी हे सोबत ठेवणे फायदेकारक ठरेल. जेणेकरुन ते ज्या ठिकाणी जात आहेत तेथील सामाजिक सुरक्षा योजनेसाठी कोणतेही पैसे मोजावे लागणार नाहीत.
Certificate Of Coverage : जाणून घ्या हे प्रमाणपत्र असणे का महत्वाचे
समजा तुम्ही दुसऱ्या देशात तात्पुरते काम करणार असाल तर तुम्हाला तेथे सामाजिक सुरक्षा प्रणालीचा लाभ मिळणार नाही. याचे कारण तुम्ही तेथे लाभ घेण्याची पात्रता पूर्ण केलेली नसेल. सर्टिफिकेट ऑफ कव्हरेजमध्ये यासंबंधीचा तपशील पहायला मिळेल. यामध्ये तुम्हाला मिळणारे आरोग्यविषयक फायदे सांगितलेले आहेत. मात्र जर तुमच्याकडे CoC असेल, तर तुम्हाला देशाच्या सामाजिक सुरक्षा व्यवस्थेसाठी पैसे देण्यापासून सूट मिळण्याचा दावा करू शकता.
तुम्ही सर्टिफिकेट ऑफ कव्हरेजसाठी ऑनलाइन अर्ज देखील करू शकता. यासाठी, EPFO (कर्मचारी भविष्य निर्वाह निधी संघटना) त्यांच्या ‘इंटरनॅशनल वर्कर्स पोर्टल’ वर ही सुविधा प्रदान करते. ईपीएफओने आपल्या अधिकृत ट्विटर या सोशल मीडियावर याबाबतची प्रक्रिया सांगितली आहे.
पुढे दिलेल्या पद्धतीचा अवलंब करुन CoC साठी अर्ज करता येईल
1. सर्वप्रथम ‘इंटरनॅशनल वर्कर्स पोर्टल’ वर जा. ‘Application for CoC’ निवडा.
2. UAN आणि पासवर्डने लॉगिन करा आणि सदस्य आयडी निवडा.
3. डिटेचमेंटचा तपशील एंटर करा आणि पासपोर्टची स्कॅन केलेली प्रत अपलोड करा.
4. तुमचा अर्ज IW पोर्टलवर पडताळणी आणि प्रमाणीकरणासाठी तुमच्या नियोक्त्याकडे ऑनलाइन जाईल.
5. यानंतर, सत्यापित आणि साक्षांकित अर्ज संबंधित EPFO च्या प्रादेशिक कार्यालयाकडे मंजुरीसाठी पाठविला जातो.
6. मंजुरी मिळाल्यानंतर, कर्मचारी IW पोर्टलवरून त्याचा CoC डाउनलोड करू शकतो.
How to apply for Certificate of Coverage (COC)?#COC #EPFO #SocialSecurity #AmritMahotsav@AmritMahotsav pic.twitter.com/QfFvnwdfoN
— EPFO (@socialepfo) November 16, 2022
प्रतिक्षा संपली ! ‘या’ दिवशी ऋषक्ष शेट्टीचा ‘कांतारा’ येणार OTT वर प्रेक्षकांच्या भेटीला https://t.co/YgDmKHci1V #kantaramovie #OTT #ishabhshetty
— Pudhari (@pudharionline) November 17, 2022
हेही वाचा
- Cigarette Burning : सिगारेटच्या पेटत्या तुकड्यामुळे एपीएमसी मार्केटमध्ये आग
- Team India : न्यूझीलंडविरुद्ध पंत-गिल देतील सलामी, ‘अशी’ असेल टीम इंडियाची प्लेइंग 11
- रॉटवायलरसह ११ प्रजातींच्या कुत्र्यांवर बंदी – गुरुग्राम ग्राहक मंचाचा निर्णय – Ban on 11 foreign breed dogs
- AUSvsENG ODI : वॉर्नर-स्मिथच्या ‘फिफ्टी’पुढे मलानचे ‘शतक’ फिके! पहिल्या वनडेत कांगारूंनी इंग्लंडला लोळवले