नवी दिल्ली, पुढारी वृत्तसेवा : केंद्रीय गृहमंत्रालयाच्या वतीने येत्या १८ आणि १९ नोव्हेंबरला दोन दिवसीय 'नो मनी फॉर टेरर' या तिसऱ्या मंत्रिस्तरीय परिषदेचे आयोजन करण्यात आले आहे. परिषदेमध्ये दहशतवादाचे जागतिक कल आणि दहशतवादाला अर्थपुरवठा, दहशतवादाला अर्थपुरवठा करण्यासाठी औपचारिक आणि अनौपचारिक स्रोतांचा वापर, उदयोन्मुख तंत्रज्ञान तसेच दहशतवाद्यांना अर्थपुरवठा आणि संबंधित आव्हानांना तोंड देण्यासाठी आवश्यक आंतरराष्ट्रीय सहकार्य यावर भर दिला जाईल.