मनी लाँड्रिंग प्रकरणी जॅकलिन अडचणीत; ८ तास चौकशी, जबाबात तफावत

नवी दिल्ली : पुढारी ऑनलाईन – सुकेश चंद्रशेखर मनी लाँड्रिंग प्रकरणी जॅकलिन फर्नांडिस चांगलीत अडचणीत सापडणार अशी चिन्हं आहेत. दिल्लीतील इकॉनॉमिक ऑफेन्स विंगने मंगळवारी तब्बल ८ तास चौकशी केली. या चौकशी दरम्यान जॅकलिनच्या जबाबात तफावत दिसून आल्याचे सूत्रांनी म्हटलं आहे. अधिकाऱ्यांनी जॅकलिनला १०० प्रश्नांची यादीच दिली होती. या प्रकरणात नोरा फतेही हिलाही चौकशीसाठी बोलवण्यात येणार आहे.

सुकेश चंद्रशेखर हा ठकसेन सध्या तुरुगांत आहे. त्याच्यावर २०० कोटींच्या फसवणुकीचे आरोप आहेत. सुकेशने जॅकलिन आणि नोरा यांच्यावर भेटवस्तूंची उधळण केली होती. त्यातून या दोघींची चौकशी सुरू आहे. पिंकी इराणी हिने सुकेश आणि जॅकलिनची ओळख करून दिली होती. पोलिसांनी काल पिंकी इराणी हिचीही चौकशी केली.

विशेष पोलिस आयुक्त रवींद्र यादव यांनी ‘एनआयए’शी बोलताना या चौकशीची माहिती दिली आहे. “सुकेशकडून जॅकलिनला ज्या भेटवस्तू मिळाल्या, त्याबद्दल आम्ही चौकशी केली. पिंकी इराणी हिलाही यावेळी बोलवण्यात आले होते.”

#WATCH | Actor Jacqueline Fernandez leaves from the EOW office in Delhi after over 8 hours of questioning

She was summoned in the conman Sukesh Chandrashekhar money Laundering case pic.twitter.com/mJ8mmz4Pmp

— ANI (@ANI) September 14, 2022

गेल्या महिन्यात EDने जॅकलिनची चौकशी केली होती. “जॅकलिनच नाही तर तिचे नातेवाईक, मित्र यांनाही या नातेसंबंधाचा फायदा झाला होता. यावरून पैशाच्या हव्यासासमोर आपण कुणाशी संबंधात आहोत, त्याचा गुन्हेगारी इतिहास काय आहे, याचा तिला काहीच फरक पडत नव्हता, असे दिसते,” असे EDच्या पुरवणी दोषारोपपत्रात म्हटलेf आहे.

हेही वाचा

• ‘फेज टू’,‘अमृत’चे स्वप्न अधुरेच ! महापालिकेच्या पाणीपुरवठा योजनेवर दरवर्षी होतोय तीस कोटींचा खर्च
• वेदांता-फॉक्सकॉन प्रकल्पाबाबत स्थानिक उ्दयोजकांना काय वाटते जाणून घेऊया ‘पुढारी’साेबत
• Stray Dogs | भटक्या कुत्र्यांच्या हल्ल्यांपासून नागरिकांचे संरक्षण करा, पण कायदा हातात घेऊ नका : हायकोर्ट