सैनिक स्कूल : आता मुलींना सुद्धा प्रवेश मिळणार! कशी आहे प्रवेश प्रक्रिया?
पुढारी ऑनलाईन डेस्क : सैनिक स्कूल : पंतप्रधान नरेंद्र मोदी यांनी आज 15 ऑगस्ट रोजी लाल किल्ल्यावरून देशाला संबोधित केले. यावेळी त्यांनी एक नवीन योजना सुरू केली, नंतर आत्मनिर्भर होण्याच्या मुद्द्याचा पुनरुच्चार केला. देशातील मुलींच्या शिक्षणाबाबतही घोषणा करण्यात आली. देशाच्या सैनिक शाळांमध्ये आता मुलीही शिकू शकतील अशी ही घोषणा होती.
पंतप्रधान मोदी म्हणाले,
आज मी देशवासियांसोबत एक आनंद शेअर करत आहे. मला लाखो मुलींकडून संदेश येत असत की त्यांनाही सैनिक शाळेत शिकायचे आहे. त्यांच्यासाठी सैनिक शाळेचे दरवाजे उघडले पाहिजेत. अडीच वर्षांपूर्वी आम्ही मिझोरामच्या सैनिक शाळेत मुलींना पहिल्यांदा प्रवेश देण्याचा एक छोटासा प्रयोग सुरू केला.
- पल्लवी बर्नवाल : “मी सेक्सवर बोलते, त्यांना वाटतं मी उपलब्ध आहे”
- स्वातंत्र्यदिन : पतीला लग्नाच्या पहिल्याच रात्री वचन, मी स्वतंत्र भारतातच मुलाला जन्म देईन
आता सरकारने ठरवले आहे की देशातील सर्व सैनिक शाळा देशातील मुलींसाठी देखील उघडल्या जातील. आता मुलीही सर्व सैनिक शाळेत शिकतील.
याशिवाय, शिक्षण क्षेत्रात पीएम मोदींनी लडाखचाही उल्लेख केला. म्हणाले की, सिंधू सेंट्रल युनिव्हर्सिटी आता लडाखला उच्च शिक्षणाचे केंद्र होत आहे. ते म्हणाले की, जग आज लडाखमध्ये आधुनिक पायाभूत सुविधांच्या उभारणीचे साक्षीदार होत आहे.
सैनिक शाळेबद्दल
देशात 33 सैनिक शाळा आहेत. आतापर्यंत सैनिक शाळांमध्ये फक्त मुलेच प्रवेश घेऊ शकत होती. या शाळा संरक्षण मंत्रालयाच्या प्रशासकीय नियंत्रणाखाली असलेल्या सैनिक स्कूल सोसायटीद्वारे चालवल्या जातात.
सैनिक शाळा स्थापन करण्याचा उद्देश संरक्षण अकादमींमध्ये भरतीमध्ये प्रादेशिक असमतोल दूर करणे हा होता.
- तर पुन्हा लॉकडाऊन! मुख्यमंत्र्यांनी स्पष्टच सांगून टाकले
- पंतप्रधान नरेंद्र मोदींच्या भाषणातील १६ महत्वाचे मुद्दे
याशिवाय, या शाळांच्या माध्यमातून अशा तरुणांची निवड करायची होती जे येथून बाहेर पडून देशाच्या सेवेत भागीदार होऊ शकतील. हे लहानपणापासूनच विद्यार्थ्यांना भारतीय सशस्त्र दलात प्रवेशासाठी तयार करत आहे. आता मुलीही या शाळांमध्ये प्रवेश घेऊ शकतील.
जर एखाद्याला आपल्या मुलाला सैनिक शाळेत प्रवेश द्यायचा असेल तर त्याला 6 वी ते 9 वी मध्ये शिकत असताना प्रवेश घ्यावा लागेल.
मुलाचे वय 10 ते 15 वर्षे असावे. दरवर्षी जानेवारी महिन्यात प्रवेश परीक्षा घेतली जाते.
https://www.sainikschooladmission.in/ या ठिकाणी भेट देऊन माहिती घेऊ शकता.
या शाळा इंग्रजी माध्यमातून आणि निवासी आहेत आणि सीबीएसई अभ्यासक्रम शिकवला जातो.
सैनिक शाळा कॅडेट्सच्या सर्वांगीण विकासावर भर देतात. येथे विद्यार्थी देशाच्या संरक्षण सेवांमध्ये अधिकारी म्हणून नेतृत्व करण्यास तयार केले जाते.
ग्रामीण मुलांना सुद्धा दर्जेदार शिक्षण देण्याबरोबरच त्यांच्यामध्ये देशप्रेमाची भावना निर्माण करणे हा उद्देश आहे.
या शाळांमध्ये गरीब कुटुंबातील मुले, जर ते हुशार असतील तर त्यांना सर्व प्रकारच्या मदतीने पुढे नेले जाते.
हे ही वाचलं का?