देशातील महागाई कशी वाढवायची, पंतप्रधान मोदी रोज सकाळी विचार करतात : राहुल गांधी
नवी दिल्ली, पुढारी वृत्तसेवा : काँग्रेस नेते राहुल गांधी यांनी बुधवारी पुन्हा एकदा महागाईच्या मुद्द्यावरून पंतप्रधान नरेंद्र मोदींवर हल्लाबोल केला. पेट्रोल-डिझेलच्या वाढत्या किंमती, खासगीकरण आणि तरुणांना रोजगार उपलब्ध करून देणे या मुद्द्यांवर त्यांनी केंद्र सरकारवर निशाणा साधला. पंतप्रधान मोदींच्या दैनंदिन कामांची यादी त्यांनी ट्विटमध्ये जाहीर केली आहे. यासोबतच राहुल गांधींनी “रोझ मॉर्निंग की बात” असे लिहिले आहे.
काय आहे पंतप्रधानांच्या दैनंदिन कामाची यादी
- पेट्रोल-डिझेल-गॅसचे दर किती वाढवायचे?
- लोकांचे ‘खर्चे पे चर्चा’ कसे थांबवायचे?
- तरुणांना रोजगाराची रिकामी स्वप्ने कशी दाखवायची?
- मी आज कोणत्या सरकारी कंपनीची विक्री करावी?
- शेतकऱ्यांना अधिक लाचार कसे करावे?
- पेट्रोल आणि डिझेलच्या दरात आठव्यांदा वाढ झाली आहे?
प्रधानमंत्री की Daily To-Do List
1. पेट्रोल-डीज़ल-गैस का रेट कितना बढ़ाऊँ
2. लोगों की ‘खर्चे पे चर्चा’ कैसे रुकवाऊँ
3. युवा को रोज़गार के खोखले सपने कैसे दिखाऊं
4. आज किस सरकारी कंपनी को बेचूँ
5. किसानों को और लाचार कैसे करूँ#RozSubahKiBaat
— Rahul Gandhi (@RahulGandhi) March 30, 2022
आंतरराष्ट्रीय बाजारात कच्च्या तेलाच्या किंमती कमी
पेट्रोल आणि डिझेलच्या दरात 22 मार्च ते 30 मार्चपर्यंत सातत्याने वाढ होत आहे. विशेष म्‍हणजे आंतरराष्ट्रीय बाजारात कच्च्या तेलाच्या किंमती घसरल्या असतानाही भारतात पेट्रोल आणि डिझेलच्या किंमती मात्र वाढत आहेत.
दरम्‍यान, यापूर्वी 24 मार्च रोजी राहुल गांधी यांनी ट्विट करून केंद्र सरकारवर हल्लाबोल केला होता. त्यांनी लिहिले की, केंद्र सरकारने कोरोनाबाधितांवर मोफत उपचार केले होते का? गरीब आणि कामगारांना किमान उत्पन्न देण्याचे आश्वासन केंद्र सरकारने पूर्ण केले का? सरकारने लघुउद्योगांना बुडण्यापासून वाचवले का? असे आरोप राहूल गांधींनी केले.
हेही वाचा