भोपाळमध्ये मोठी कारवाई; ६ जिहादी दहशतवाद्यांना अटक

पुढारी ऑनलाईन डेस्क : मध्य प्रदेशची राजधानी असलेल्या भोपाळ येथे गुप्तचर यंत्रणेने मोठी कारवाई करत रविवारी ६ जिहादी दहशतवाद्यांना अटक  (Terrorists arrested) केली. जुन्या भोपाळमधील फातिमा मशिदीजवळच्या एका इमारतीत हे दहशवादी लपून बसल्याची गोपनीय माहिती मिळाल्यानंतर गुप्तचर यंत्रणेने तेथे छापा टाकून या दहशवाद्यांना ताब्यात घेतले.

• पाच राज्यांतील पराभवास नेतृत्वाला दोषी न धरता काँग्रेस कार्यकर्त्यांनी चिंतन करावे : बाळासाहेब थोरात 

दरम्यान, ऐशबाग पोलीस ठाण्यापासून हाकेच्या अंतरावर कारवाई केलेले ठिकाण आहे. तरीही येथील पोलिसांना याची कल्पना देण्यात आली नव्हती. याबाबत अधिक माहिती अशी, गुप्तचर यंत्रणांनी दहशतवादी लपून बसलेल्या इमारतीत छापा टाकला. त्यानंतर ते राहत असलेली खोली पूर्णपणे सील केली. दहशतवाद्यांकडून धार्मिक साहित्य, १० ते १२ लॅपटॉप, स्फोटकांचे साहित्य आणि शस्त्रेही हस्तगत करण्यात आली. अटक केलेले दहशतवादी सुमारे तीन महिन्यांपासून येथे भाड्याने राहत होते. तसेच या इमारतीतील सर्व कुटुंबे भाड्याने राहत असून खाली खोलीतील भाडेकरू बेपत्ता झाल्याचे सांगण्यात येत आहे.

• Chechen Army : युक्रेनमध्ये नरसंहार? कीव्हमध्ये रशियाने पाठवले चेचेन योद्धे

दरम्यान, भोपाळबाहेरील करौंड भागातील एका घरावरही छापा टाकण्यात आल्याचे सांगितले जात आहे. तर या आधी मध्य प्रदेशातील इंदूर आणि उज्जैनजवळील महिदपूर आणि उनहेल परिसरातून दहशतवाद्यांना अटक केली होती. आता पुन्हा एकदा मोठी कारवाई करत ६ दहशतवाद्यांना अटक (Terrorists arrested) केल्याने संभाव्य मोठा घातपात उधळून लावण्यात गुप्तचर यंत्रणांना यश आले आहे.

हेही वाचलंत का ? 

• अवकाळीने झोडपलं आता व्यापार्‍यांचीही पाठ ; द्राक्षउत्पादकांची परवड थांबेना
• देवेंद्र फडणवीस यांना कटात सामील करण्याचा प्रश्न नाही : गृहमंत्री दिलीप वळसे-पाटील
• राज्यभरात तब्बल दीड लाख सात-बारा सदोष

पहा व्हिडिओ : चला दख्खनचा राजा जोतिबाचा महिमा ऐकूया : महिमा श्री केदारलिंगाचा…